不恥下問何君堯 周庭:「喂!你而家係現任區議員嚟㗎喎」

Browse By

ViuTV《跟住矛盾去旅行》來到最後一對嘉賓,原本安排由「學民女神」之稱、現任香港眾志副秘書長的周庭,對戰全國政協委員劉夢熊。可惜Dream Bear臨門撻Q,因東方明珠案被控妨礙司法公正,出發前被裁定罪名成立,即時入獄十八個月。他的位置由香港律師會前會長、建制派區議員何君堯補上。

何君堯與周庭的矛盾於ViuTV看來是「世代鴻溝組合」,前者今年53歲,有兩子一女;後者今年19歲,是浸會大學政治系學生。二人看起來就像一對父女。但周庭指二人最大的矛盾不在於年青人和上一代的問題,而是二人的mindset(心態)和政治取向。

1.香港立法會的「零票當選」

Screen Shot 2016-05-24 at 1.59.37 PM

周庭和何君堯爭論「零票當選」和「自動常選」的問題

何:「你知唔知佢哋日本有民主選舉,知唔知同香港差別有幾大?除咗特首問題?」
周:「咁人哋成個國會都係選出嚟,但係我哋都唔會成個立法會係選出嚟。」
周:「咁呢個係唔合理囉,功能組別本身就係唔合理,有啲幾百票選出嚟,有啲幾萬票選出嚟,呢啲係幾咁不平等,咁當然你可能唔會介意啦,但我哋仲要喺香港生活多5-60年,其實你去日本之前都可以wiki下睇下先。」
何:「周庭,我唔係識晒咁多嘢,你知道幾多咪話比我聽,等我知道又會學習,當我細路仔咁囉。」

2.香港住屋問題

Screen Shot 2016-05-24 at 2.47.39 PM

何君堯和周庭體驗日本的膠囊酒店

Screen Shot 2016-05-24 at 2.59.20 PM

周庭帶出香港年青人18歲就要開始輪公屋

何:「一般香港人生活係點?」
周:「年青人18歲就要排公屋,排到50幾歲先有。」
何:「咁又係…十幾歲無咁快諗得到買樓,亦都未有咁嘅經濟能力。」
周:「年青人本身唔應該喺佢讀緊書就諗呢啲問題,但係香港而家嘅問題就令到年青人喺佢18歲嘅時候已經諗排唔排公屋呢個問題。」
何:「點解呢?講嚟聽下。我自己18歲嘅時候無諗過呢個問題。」

然後何君堯就問周庭家中有多少人住,家中有多少個房間。周庭問該問題與他們討論的議題有何關係。
何:「了解下點解香港嘅年青人一到18歲就諗排公屋?」
周:「點解何生你可以問得出我話香港有幾多per cent嘅人係住板間房?其實呢啲嘢你應該要比我清楚!」
周:「究竟你有咩係清楚㗎何生?香港嘅堅尼系數係有幾咁高你無理由唔知。 」
何:「香港人都唔一定知晒香港嘅嘢,地球人都唔一定知晒地球嘅嘢啦!」

3.六四

他們討論六四問題

他們討論六四問題

Screen Shot 2016-05-24 at 3.13.30 PM

何指六四是一個「悲劇」輕輕帶過

二人參觀東京大空襲資料中心,周庭就問何尹堯對「六四」有何看法。

何:「我曾經講過一條人命損失都嫌多,我自己對六四嚟講學生的情懷係完全可以理解,但現實往往有時同我哋心入面諗的有差距。」
周庭認為何君堯迴避問題。
何:「我已經答咗,六四如果避免就避免,係一個悲劇,當你睇歷史往往都會有人命損失。」
周庭認為何不應將中國的行為正當化。

周:「當我哋講日本必須面對歷史責任,中國都係一樣。 」

周庭認為做人不應有雙重標準,她自言自己雖然很鍾愛日本文化,但絕非盲目崇日。她認為假若我們覺得日本應該面對自己的歷史事實時,中國都理應一樣。

4.年輕人應多了解中國文化

Screen Shot 2016-05-24 at 3.27.45 PM

周:「咁你叫佢哋俾返張回鄉證我哋先啦,幫手爭取下啦!」

何君堯指周庭對日本文化的欣賞程度出乎他所料。他又指中國文化博大精深,如果能多了解中國的文化,香港青年發揮的空間可以是無限。

周:「咁你叫佢哋俾返張回鄉證我哋先啦,幫手爭取下啦!」
周:「咁你哋又叫我哋多啲了解中國,又唔俾我哋入境,咁樣好麻煩㗎喎~」
何:「呢個問題可以考慮下..」
何:「祖國有自己一套考慮因素,點解返唔到去,可能有特別原因。」

Leave a Reply

Your email address will not be published. Required fields are marked *

%d bloggers like this: