小朋友扯爛零食包裝餅乾散落一地 家長拒賠:細路仔唔好咁計較

Browse By

不少小朋友見到新奇事物,總是手多多觸碰!有零食店店員就分享一次不愉快的經歷,指有小朋友在店內手多多將零食包裝扯爛,導致餅乾散落一地,惟其父母不但偷偷將餅乾掃至零食架下,被店員揭發更一度拒絕賠償,理直氣壯稱「小朋友手多啫,唔好咁計較」。店員不禁在帖文中怒斥「幾時有細路仔做錯嘢唔使罰嘅錯覺?細路仔大晒?」。有小朋友在店內手多多將零食包裝扯爛。示意圖

該名店員在社交網站facebook「西客之道 HIspitality」中抱怨,指有一家三口在店內購物時,小朋友「見到啲吊住嘅餅就係咁扯(唔知點解十個有九個細路都係咁)點知一扯,成條散晒,跌到成地都係餅,呢對男女仲以為用掃落個架下邊就冇人知,咪以為阿姐我盲啦」。

於是店員在該家人結帳時,要求對方賠償,怎料該名父親反駁稱「唔係囉,你邊到見到係我哋整爛呀,唔好乜都入我哋數啦」,而母親亦在一旁稱「小朋友手多啫,你唔好咁計較囉」、「小朋友啫你使唔使咁呀」。店員氣極怒斥「小朋友又點先,一句小朋友唔通可以連舖拆埋?唔想畀錢就睇住小朋友唔該!」。

最終該對父母在店員堅持下,作出賠償,臨離開前更不忘拿走散開的餅乾「屍骸」,並聲稱「畀咗錢嘅,幾大都要攞埋呀!」。該行為引起店員不滿,在帖文中怒斥「細路仔大晒?」

事件引起不少網民共嗚,有人留言讚店主做得好、「最x憎人地講細路仔,知道個仔冇人性,唔該睇實啲。唔怪細路無人性,只怪老豆老母唔盡責」、「好多老豆老母都係唔會睇住啲細路,諗住個員工同佢睇埋」。

Leave a Reply

Your email address will not be published. Required fields are marked *

%d bloggers like this: