被老闆爆料擇日娶歐陽巧瑩 林師傑:而家正式宣佈我已經封盤

Browse By

星夢娛樂在昨晚《勁歌金曲頒獎禮》上囊括14個獎,事後於慶功宴上各自再發感言,輪到「木偶哥」林師傑發言後,一眾歌手同事起哄叫他結婚,他將咪交給老闆何哲圖想話脫身,怎知老闆即爆他已向女友歐陽巧瑩求婚成功!

於慶功宴短片上,何哲圖直言:「結婚呢樣嘢已經同師傑溝通咗啦。」師傑還想不承認,笑稱:「同老闆結婚?」老闆一於少理,續說:「我同佢講遇到珍惜嘅人要珍惜,要大膽勇敢講畀人聽,拍咗幾年拖後要同對方講要定落嚟,佢鼓起勇氣同好好嘅女友講咗啦。」

師傑這時亦大方承認,更大言不慚說:「依家正式宣佈我已經封盤,大家盡情去妒忌歐陽巧瑩,羨慕佢啦,你哋冇機會啦,因為我個人已留畀佢。」然後才正經說真的很開心,老闆好關心,給他很大信心,並直言:「之前冇諗過婚姻,以為要搵錢買樓搞好晒先做,老闆畀好大啟發,仲幫我擇晒日,好感動成件事。」何哲圖就話不一定要搵到錢才結婚,兩公婆一齊去捱才最開心。與歐陽巧瑩拍拖3年後現籌備結婚,師傑謂已擇好日子,但想搞好詳情才公佈。

Leave a Reply

Your email address will not be published. Required fields are marked *

%d bloggers like this: