同唐詩詠情變?洪永城口窒避談:遲啲有個好啲嘅答案

Browse By

大家都互相拋波唔講感情事,兩個人關係好似真係有啲危

唐詩詠昨日宣傳新劇《不懂撒嬌的女人》,直言男友洪永城沒送生日驚喜,更叫記者去問洪永城感情事,封口不講男友。洪永城今日在電視城開工,被記者追問分手疑雲,他強顏歡笑表示等遲些有更好答案才講,惹揣測二人感情亮紅燈。

有報道指36歲的唐詩詠之前被前男友崔建邦拖足9年,現任洪永城至今亦未求婚,浪費13年黃金時間。對於疑似分手,洪永城同樣採取封口態度,表示暫時專注工作,暫不回應感情事。追問現時二人關係,他依然一句「唔回應住。」到底是否情不變,他只講:「真係暫時未有一個…遲啲有個好啲嘅答案。」幾時可以講呢?他卻有口難言:「我都唔係好知,適當時候就會講。」問到是否冷戰?洪永城依然指遲些才答。

被問到係咪同唐詩詠冷戰,洪永城就耍太極話遲啲先答。

對於在詩詠早前生日沒表示,洪永城聲稱有表示,是禮物以外,不一定很物質。問到是否有食飯慶祝?他說:「類似咁。」記者指詩詠交給他發言,他面露苦笑:「吓!擺個波畀我。遲啲討論,遲啲適合啲。」轉談詩詠的新劇,他直言有睇更有讚無彈,對女友拍咀戲更聲稱不會嬲,又大讚女友在劇中撒嬌好睇:「佢對我唔使撒嬌,內在內涵已經夠好。如果撒嬌都會受,但覺得內涵已夠。」

洪永城轉談詩詠的新劇,他直言有睇更有讚無彈,對女友拍咀戲更聲稱不會嬲

Leave a Reply

Your email address will not be published. Required fields are marked *

%d bloggers like this: