繽Fun復活節合家歡食玩攻略

Browse By

自助餐75折優惠   和風午餐買三送一

復活節當然要食餐飽慶祝。都會海逸酒店Promenade西餐廳自助餐推出一系列應節美食,例如用雞蛋殼器皿盛載既復活節雞蛋布甸,放上好似鮮蛋黃既芒果粒,最啱用嚟影相呃Like!糕餅總廚更特別推出即製西班牙街頭小食Churros,大家可按個人喜好沾上多款朱古力醬,製作獨一無二既繽Fun吉拿棒。4月份餐廳推出繪「星」繪色自助晚餐,包羅多道經典星洲及娘惹美食,以味覺遊走獅城大街小巷。4月1日(六)或之前,首100名客人於酒店eShop訂購西餐廳復活節自助午餐(成人$418、小童$318)、下午茶自助餐(成人$298、小童$208)及自助晚餐(成人$628、小童$418),或以電話預訂並繳付訂金,可享75折優惠。另外,惠顧復活節自助午餐及下午茶自助餐既小朋友,可以優惠價$50參加「復活節冬甩製作班」或「復活節繽Fun薄餅製作班」,以及獲贈Lindt瑞士蓮朱古力小禮包(數量有限,送完即止),食飽可到戶外城堡彈牀盡情玩樂,度過愉快滿Fun既復活假期﹗

酒店內千鶴日本料理亦係復活節期間(4月14日至17日),推出「千鶴復活節和風午餐」,每位$278,讓大家食盡各款日式佳餚。主菜可揀鐵板蟹膏忌廉汁大蝦配滑子菇煮茄子,或日式玉子煮黑豚片配野菜天婦羅,再加上清新菠蘿沙律、油甘魚及甜蝦刺身,以及海鮮蒸蛋等,一定捧腹而回!最抵係每四位客人享用復活節午餐,其中一位可豁免收費。此外,小朋友除獲贈Lindt瑞士蓮朱古力小禮包一份,更可復活節期間午餐時段,免費參加戶外花園舉行既各種精采活動,盡情投入繽Fun樂園!

地址:紅磡都會道7號都會海逸酒店

查詢:Promenade西餐廳 / 3160 6880、千鶴日本料理 / 3160 6898

復活節雞蛋布甸。(Promenade)

參巴醬燒魔鬼魚翼。(Promenade)

京蔥清酒煮山口縣白象拔蚌。(千鶴)

鐵板燒山口縣白象拔蚌配美國蘆筍及燒烤野菌。 (千鶴)

 

滋味派對 免費玩節慶活動

城景國際同樣有好多好玩嘅美食派對,旗下City Cafe係4月14日(五)至17日(一)推出「復活節自助午餐」(成人$258、小童$188),美食包括香辣烤魷魚、蜜糖菠蘿燒德國火腿、挪威三文魚海葡萄、日式刺身及壽司、澳洲凍蝦等,甜品有即叫即製抹茶白朱古力雞蛋仔配多款Movenpick雪糕、自家製窩夫等。至於「蝦螺滋味‧海鮮自助晚餐」(成人$498起、小童$338起),以一系列有機鮮蝦及法國田螺炮製美食,仲有任食美國及紐西蘭生蠔、鱈場蟹腳、布朗蟹等時令海鮮及日式刺身。

大家只要係復活節期間幫襯以上自助午餐或自助晚餐,就可免費參加「最愛是你」拿破崙餅製作、「最愛扭扭兔」工作坊及任玩一系列節慶活節!參加「最愛是你」拿破崙餅製作嘅客人,需入座前三天電郵一張相片至酒店,用餐時就可自製拿破崙餅,送給摯愛親友。「最愛扭扭兔」工作坊每位小朋友可獲贈兔仔氣球一個及彩色水筆,製作獨一無二嘅扭扭兔,夠晒應節。

酒店泰式餐廳Amazing推出「草莓‧藍蝴蝶‧泰自助下午茶」(成人$188、小童$128),以近期熱爆草莓及蝴蝶豌豆花製作色彩斑斕嘅甜品,加上數十款泰式冷盤、熱葷及春日花果茶系列,多到數唔晒。客人於復活節期間惠顧,同樣可免費參加「最愛扭扭兔」工作坊及一系列節慶活動。

地址:油麻地窩打老道23號城景國際

查詢:City Café / 2783 3287、Amazing / 2783 3268

抹茶白朱古力雞蛋仔。(自助午餐)

「最愛是你」拿破崙餅製作。

About Jetso King

「頭條Jetso」App網羅「全宇宙」著數優惠及最新消費著數情報;激賞豐富禮品及獨家超筍優惠,易玩易中,送獎贏獎好EASY!

Leave a Reply

Your email address will not be published. Required fields are marked *

%d bloggers like this: