張敬軒參加《我是歌手5》

張敬軒星期一喺微博宣佈參加湖南衛視嘅《我是歌手5》,即刻引來中、港兩地嘅網民不斷討伐。有香港網民表示對軒仔好失望,覺得佢向人民幣跪低,係「今天的我打倒昨天的我」。而另一邊大陸網民就不斷搵返佢之前撐佔中嘅言論,指責佢係港獨分子,分裂國家。真係兩頭唔到岸!

軒仔星期一晚終於都忍唔住,喺微博(淨係微博)打咗篇千字文表明心跡:

張敬軒於微博打千字文重申自己是中國人,由始至終不是港獨,堅決反對一切分裂國家嘅行為。

佢重申自己生長在廣州,佢為自己身為一個中國人嘅身分而驕傲,「無論走到哪裏都不會忘記,也永遠不會改變的」。佢指有人用佢嘅身分同立場杜撰咗好多激烈言辭同資料,將佢扣上「港獨」嘅帽子。佢重申「我是一個中國人」,由始至終都唔係「港獨」,堅決反對一切分裂國家嘅行為。

陳淨心近日努力於微博發功狙擊張敬軒,呼籲市民打電話到湖南衛視投訴。
陳淨心星期二於微博打千字文攻擊張敬軒

而佔中期間,多次狙擊張敬軒嘅陳淨心當然唔會放過難得嘅機會,又開始不斷喺微博發功。佢指「我由始至終没有說過張敬軒是港獨,因為他比港獨更卑鄙!他在香港一直打著來自廣州家庭背景根正苗紅的身份在香港反國民教育、支持佔中。」、「今天你想在微博洗白裝無辜来迎合你上湖南衛視赚人民幣,但這並不可以抹殺你過去做過傷害香港的事情」。

張敬軒早年經常於instagram發表大膽言論,又不時就時事抽水,喺反國教、撐佔中等事件上都有身體力行支持。兩年前更有傳因為佔中言論被退出《我是歌手4》,張敬軒自言:「我唔係嗰種唱歌方法令人一聽難忘嘅歌手」所以無勇氣參加。

張敬軒在反國教期間曾經買了一箱寶礦力和葡萄適到政總現場支持示威者。
佔中期間亦曾經到旺角佔領區聲援
15年港大校委會風波,數十名學生衝入會議室,校委會成員盧寵茂人群中無端「插水式」瞓低,張敬軒亦於instagram模仿他的睡姿抽水。

香港網民留言:

  • 張敬軒夠真係佢嘅招牌,而家講一套做一套,簡直係拆自己招牌⋯⋯唉⋯⋯
  • 所以我偏向覺得佢唔係100%真心想去,因為以佢嘅性格根本解釋唔到。佢係微博有「解釋」點解參加,但「原因」薄弱,講左等於冇講。由此可推測其實佢缺乏有力嘅原因,可能係被逼。
  • 失望  不過對你都唔係第一次失望 你參加得一定有你既大道理 加油啦 起碼表現要對得住自己 Ps. 我唔會睇
  • 唉 不想你参加歌手
  • 莫名心酸了一天 發自內心的不像你上 不想妳的藝術品般的作品爛大街 但是既然你要上了 一定要保持自我 為廣粵地區爭光啊 拜託你啦 加油 撐硬你

內地網民留言:

  • 当初占中时那些事都忘了?看望占中暴徒,会见黄之峰,力挺太阳花都是别人做的?怪不得陈玉勋大导演也喊冤,说自己不是台独
  • 人家为了钱已经把简介改成中国歌手,然后把做慈善的事发出来,……已经洗白,看来歌手一定会上了,他们首发广告都已经打了。
  • 张敬轩不要脸!搞乱香港,让别人挣不了钱,自己又舔着脸跟大陆捞钱!不是说是富二代还是官二代吗?如果是官二代,都不知道他父母怎么教育他的。还有一些睁眼瞎装聋扮傻@湖南卫视 的赶着送钱去,当汉奸吗?
  • 张敬轩的水军很多,看来张敬轩家的背景很深啊!

Leave a Reply

Your email address will not be published. Required fields are marked *