華仔拒認老婆添丁 「久不久就會傳」

Browse By

劉德華、甄子丹及鄭則仕等,星期三在屯門出席由王晶執導的新片《追龍》開鏡拜神。華仔再度飾華探長雷洛一角,記者笑他恍如逆齡時?他表示因角色是雷洛剛升華探長的時期,並笑說:「我都50幾啦,昨日才過生日,跟家人及朋友出街食飯慶祝。(阿女送咩禮物?)今年冇呀!舊年都有嚿泥膠,今年只唱了生日歌。」華仔又自爆朋友送了10個8個潮爆的「K歌神器」給他,對於有雜誌報道指華仔老婆為佢添丁,他就拒認:「我屋企冇8,9個人喎。(傳聞剛多添了一名兒子。)冇喎,我好清楚跟大家說冇,久不久就會傳。(有指你不想新生兒受追訪而不讓他曝光?)不會,不會,大家好畀面我,我在家也能很舒服。」
對於王晶踢爆他跟子丹片酬高,華仔笑說:「不嬲都幾高吓,但冇人哋咁高囉!(傳子丹片酬3千萬人仔。)應該嘅,我也跟當年做雷洛時的片酬不同。」
至於子丹透露為了演跛豪而學潮州話,也有跟呂良偉取經,但避談片酬是否3千萬人仔,「講錢冇意思,我能跟劉生合作已好榮幸。(晶哥話你們片酬貴得令他沒錢吃飯。)劉生貴啲!佢不嬲貴過我,我片酬不多。」

華仔拒認屋企添丁

華仔拒認屋企添丁


演員祈求拍攝順利

演員祈求拍攝順利

unknown-1

對於有指他今次收3千萬人仔片酬,丹爺即刻避談

對於有指他今次收3千萬人仔片酬,丹爺即刻避談

Leave a Reply

Your email address will not be published. Required fields are marked *

%d bloggers like this: