同一個超孤寒嘅朋友去旅行 真係慘過食X

Browse By

去旅行個伴真係好緊要。皆因去旅行日對夜對,行一齊行,瞓一齊瞓。少至大小二便,大至食飯夾錢到要同對方商量。如果去到先知原來大家嘅生活習慣甚至價值觀差天共地,旅行嗰幾日簡真係貼錢買難受。網友「今天含情的貓奴」星期日喺香港討論區大呻佢同一個非常孤寒嘅「朋友A」去旅行經過,更謂一次旅行睇清楚對方為人。

  1. 自己唔買電話卡,叫人share數據俾佢
    事主去旅行前已經問朋友A買唔買電話卡,用嚟上網、打電話等,對方為咗慳錢話唔買。但係旅程途中就不斷叫事主share wifi俾佢。一次半次就算啦,但係朋友A成日都叫人share俾佢,搞到事主嬲嬲哋!自己想用又唔買,成日要人share俾佢!
  2. 黐飲黐食
    朋友A去台灣旅行成個旅程只係用左2千蚊港紙(唔包機票住宿),用嚟買手信、食物、代購、面膜、隱形眼鏡等等。支出可以咁少全因佢經常黐飲黐食,佢食嘢飲嘢坐捷運都成日用無散紙嘅原因要求事主俾住先,最終當然無還啦。二人的飲食支出通常輪流一人俾一餐。不過朋友A成日爭住俾啲超平嘅餐廳,對於一啲稍貴嘅餐廳就奉旨由事主負責,擺明搵佢笨!佢哋去到間賣芝士海綿蛋糕嘅舖頭,見好多人排隊又勁香,事主問朋友A買唔買返香港,對方話唔買。事主就自已去排隊買,點知就俾錢時朋友A就問事主不如買一個蛋糕返去酒店分嚟食,但又唔想自己俾錢。
  3. 當朋友係阿四
    台灣街道甚少垃圾桶。大家去旅行少不免要將垃圾先存放喺膠袋。朋友A有時唔想攞住個袋就叫事主事主幫佢拎住先,而佢就扮喺手袋搵紙巾,到佢攞完紙巾抹完嘴,佢就扮唔記得攞返個垃圾袋。
  4. 成日無啦啦行開咗唔講聲,走失好幾次
    同朋友一齊旅行點都應該互相遷就,不過朋友A
    行路勁快,周不時行開又無預先通知。旅行嗰幾日事主同佢走失咗幾次,事主提醒佢行開咗唔該通知一聲。不過朋友A繼續我行我素,佢有佢自己行,又唔理事主嘅步伐。
  5. 唔關心朋友
    最尾幾日的行程事主原本打算食海鮮,可惜事主肚痛唔舒服想喺酒店休息。點知朋友A條友不斷遊說事主一同外出,又話難得去旅行唔通唔出去玩咩。唔關心都算,仲一啲都唔體諒朋友。而且當日落微微雨,朋友A就自己擔遮自己行,完全唔遮下事主照顧下佢。
  6. 將格價進行到底
    買手信時,朋友A因為想慳錢成日就住就住買。相差十零二十蚊台幣,但係成日都要周圍格價。買完返酒店係咁望事主買嘅手信,又拎一包手信問事主係咪好好食,問可唔可以俾包佢,事主最終都係俾咗佢。 

One thought on “同一個超孤寒嘅朋友去旅行 真係慘過食X”

  1. Ringo says:

    You will only know when you really travel with them, but no next time…

Leave a Reply

Your email address will not be published. Required fields are marked *

%d bloggers like this: