街市檔主開單報大數 幫工人姐姐打斧頭

Browse By

market

原post和單據

香港有唔少家庭都有聘請工人姐姐,好多僱主都會要求姐姐去街市買叫檔主喺本簿仔寫底比咗幾多錢,或者要求檔主開單,以防姐姐「打斧頭」(私自將買錢落格)。

有網友最近新請咗個工人姐姐,入世未深嘅姐姐喺將軍澳彩明街市買完餸之後同佢講,自己明明比咗$22,但檔主比咗張$30收據比佢。事主深感憤怒,並向彩明街市管理處投訴。其後將事件連同單據放上網,叫其他僱主警惕。有網民認為檔主自動波幫工人姐姐報大數,係想幫佢地「打斧頭」,等工人姐姐多啲幫襯。

網民都指呢啲唔係新鮮事,好多街市嘅檔主都會咁做。又有人認為僱主不應着眼於少少斧頭錢,如果數目不大,應該「隻眼開隻眼閉」就算。不過亦有網民認為僱主和僱員相處,最緊要建立信任,應該獎罰分明。

網民留言:
唔係秘密,個個街市都係咁做,咁先可以吸引姐姐日日幫襯
少少斧頭錢咪跌比人囉,好過一陣佢喺你家玩嘢,我覺無問題,你呢啲做人咪唔圓滑囉,有時睇開啲,收埋佢,當做一件武器,下次可能用得上場,唔使下能下玩踢爆,袋緊錢入你袋。
你姐姐好誠實
若 我係僱主, 大家攞個心出嚟相處, 以誠信建立信任, 我會講明我會random check。每月抽一兩張手寫單 random check, 過到, 每月幾多百bonus。過唔到, 冇咗幾百之餘, 打咗嗰一張的斧頭, 乘以5响人工扣返。以鼓勵誠實行為, 好 fair 。

Leave a Reply

Your email address will not be published. Required fields are marked *

%d bloggers like this: