個妹一蚊家用都無俾 一家三口又食又拎

Browse By

4288529_orig
香港地通脹不斷,但人工又追唔上通脹。後生仔起薪點又低,養得起自己再俾埋家用,份糧都無得七七八八。不過家用點都要俾嘅。有網友就不滿妹妹一蚊家用都無俾,但就經常帶同老公和兒子返屋企食飯,而且每次都一袋二袋把娘家的水果和日用品拿走。不特止,又經常把兒子交給父母托管,BB用品更要兩老自己出錢買。

正當你以為妹妹兩公婆收入低無錢?錯!二人收入加起來有六萬多,有孩子前經常周身名牌,一年去兩次旅行,絕對夠錢俾家用。網友睇唔過眼妹妹和妹夫的行為,以不同招數迫使妹妹給家用。她試過攤牌,當眾指責妹妹不給家用的行為。妹妹卻以眼淚攻勢,搏得父母同情。網友試過減少家用,希望父母要求妹妹給家用,卻變相要父母自掏腰包貼錢供養妹妹夫婦倆。又網友無以為繼,只好一直黑面。她問其他網民有何建議可以敦促妹妹兩口子給家用?

OB-MV009_hkd_G_20110301225748

家用唔止係錢,仲係一份心意,一個孝順的表現。

一蚊家用都唔俾, 一家三口又食又拎

以前我岩岩出來做野一萬蚊人工都無, 我已經一個月俾$5000家用。過幾年,個妹出來做野,佢賺萬零蚊,個個月剩係俾$1000家用, 我都從來無計過, 我都係想我阿媽開心。 後來,我個妹話要儲錢結婚, 所以剩係俾$500家用,俾左成兩三年$500, 到結左婚就直情無俾。嫁左出去唔係度住無俾都算啦。但係佢地兩公婆一星期返來一次食飯,每次來都拎成大袋水果走,跟住又話佢屋企就來無廁紙,無洗頭水,無 依樣無個樣, 成日拎埋D日常用品走。兩年前, 佢地生左個仔, 放係我屋企俾我阿爸阿媽湊, 每日放工兩公婆都過來食飯, 星期六日先接返個仔走。 我問我阿媽佢地俾幾多錢佢湊仔,我阿媽話三千。嘩,我話請工人都唔止啦,仲要晚晚係度食。(仲要都係成日拎埋D日常用品走) 我阿媽話算啦,反正佢都係屋企無野做, 同埋話佢地會自己買返BB的用品。我想講除左頭幾個月我見佢地有拎過d奶粉尿片來,之後我只係見我媽買返來。我真係勁睇唔過眼囉, 佢自己雖然都係萬幾蚊人工,但佢老公成五萬人工,兩公婆加埋月入六萬幾, 未生仔前每年起碼去兩次旅行,自己成身都係用牌子野,成日自己去食好野個d,男家都唔使佢地俾家用,完全係賺幾多都係自己使, 仲要成日係娘家依邊攞著數。有一晚唔記得咩事引起,我真係同我阿妹開拖,講晒依d野出來。佢就係度喊,話我又知佢俾幾多家用,又話佢都想湊返仔,要搵食迫 不得意先要阿爸阿媽湊,扮晒可憐咁。我阿媽即刻鬧我囉,話兩姊妹點解要咁計較,又話佢地有俾錢,又話係佢自願幫手湊孫。我真係無眼睇, 我完全唔係計較囉,我想講如果佢地真係無錢,養唔到個仔,我幫手又點話。但依家係佢地有錢自己享受, 又成日係娘家依邊攞著數,分明搵我阿爸阿媽笨,我阿媽仲要幫住佢。個次之後,我剩係俾$3000家用,我話我俾都係用來貼個兩個cheap精。但最近我先 知原來個兩個cheap精仲有更cheap. 上星期有一晚半夜,我偷聽到我阿爸阿媽講野,先知原來個兩個cheap精係從來無俾家用。佢地個晚傾計大概內容係,我阿爸叫我阿媽問佢地拎返錢, 話無理由擺個仔係度又唔買野又唔俾錢。我阿媽就話算啦,話佢地兩老自己仲有錢洗,話個兩個cheap精又要供樓又要儲錢養個仔,所以佢地唔俾就算。(我阿 爸係個d完全無主見,無話事權的人,我阿媽話點就點,所以最後係一定唔會問兩個cheap精拎錢) 我知道左真係勁嬲囉,兩個咁有錢,邊有理由仲要兩個老人家貼錢養佢地,同埋完全唔明我阿媽點解要幫佢地幫到咁。我依家晚晚見到個兩個cheap精,真係眼 火爆, 黑面黑左成個禮拜,但係有咩辦法令兩個cheap精反醒下?? 我真係勁嬲,但係我拎出來攤牌,我阿媽實幫住佢地。
網友留言:
一家人無謂計啦,反正你亞媽都覺得冇嘢,有好多老人家都恨照顧孫仔,你盡番自己本分咪算,最緊要你亞媽happy啫。至於你細妹,既然你都講咗,佢唔改都無計,如果久唔久又攞出嚟嘈,搞到你父母唔開心仲唔好啦。
你可以停俾家用先,幫倆老存起,將來急需時先一次過俾,咁樣先系(係)大智。到時倆(兩)老會明白邊個系(係)好女
你都一樣唔好俾家用
佢老公真係…連做阿媽出錢果個都唔想出聲,樓主做返自己做仔的本份,其他野都無能無力咯…
當佢地透明算……費事自己勞氣傷身。

Leave a Reply

Your email address will not be published. Required fields are marked *

%d bloggers like this: