被商場邀出騷被反問「要俾錢?」 狄易達嬲爆發文:「朋友你當我on_」

Browse By

還記得有港媽早前要求攝影師「免費贊助」一班家庭舉行活動,一句「我地有45個媽媽可以幫你個page Like n Share 做宣傳 」網民們仍然記得,想不到近日狄易達都遭受同樣遭遇。

狄易達日前在社交網站上發文,指有大型商場公關邀請他的跳舞學校學生表演,但當他問到對方預算多少時,對方反而話:「即係邀請你地嚟表演我哋要畀返錢你?」,狄易達即在文章入面用粗口表示:「嬲你當我on_」。他指有日同朋友聊天,講到表演除了報酬外,亦都會視乎演出有沒有意義等等,間中亦都會接受無償演出,但最令他氣憤是,有些「朋友你當我on_」,對話入面對方通常都搬出「機會論」,如「畀機會你做宣傳」同「可以係咁大的場地表演」等等,去到早前有商場邀請他的學生出騷,沒有預算下又再次提出「機會論」,他便回答:「咁⋯我哋嚟你商場食嘢係咪可以唔洗畀錢?」。

網民們就力撐他,更重提港媽要求贊助的事件,「我地有45個媽媽可以幫你個page Like n Share 做宣傳 」,狄易達則回應:「我哋都有幾百個學生來試食」;又有網民話:「做慈善唔等於做義工,當然要收錢啦!只係收平d當自己捐錢」。

狄易達其後接受《頭條POPNews》訪問,表示唔希望禍及下一次,「我哋成日都話娛樂圈或者而家市道唔好,呢行咁差呀,其實更加需要我哋,唔同嘅人去維護住我哋唔同嘅專業,因為咁樣大家先有得救呀嘛,如果大家都覺得無咩所謂啦,咁你影響就係影響就係下一代囉,下一代嘅人,可能係細你幾年嘅人,佢哋酬勞可能愈來愈低呀,工作愈來愈無錢呀,你少錢搵唔到食,啲人就唔會做呢一行,就愈來愈差。」

狄易達星期三晚發文,提到被邀請出騷,對方指「要俾錢你?」

狄易達星期三晚發文,提到被邀請出騷,對方指「要俾錢你?」

狄易達兩度發文,今次講「玻璃心」

狄易達兩度發文,今次講「玻璃心」

 

Leave a Reply

Your email address will not be published. Required fields are marked *

%d bloggers like this: