46歲蔡少芬生日宣布「封肚」

Browse By

宣布懷有第三胎的女星蔡少芬(Ada46歲生日,與丈夫張晉,同公司藝人朱茵、鄧麗欣(Stephy)等一同慶祝。蔡少芬以一襲白色連身裙到場,神采飛揚。

張晉為太太Ada驚喜送上一束46枝玫瑰及粉紅蛋糕,認真別具心思,還親手撰寫生日咭,逗得Ada四萬咁口,Ada更情不自禁不時向張晉送吻,羨煞旁人。

Ada:「佢記得我生日,仲準備咁大束花,已經好開心!」問到張晉可有送禮物,她表示:「對上一次收禮物已經係聖誕節,當時佢送咗個手袋畀我,其實好感恩,我哋兩個都冇乜物質缺乏,買禮物都係為咗氹吓對方,佢仲話我今年都冇送生日禮物畀佢。」

提到生日願望,Ada表示最緊要是平平安安生個健康BB,而問到Ada昨晚跟張晉可有特別慶祝活動,她透露撇低兩位女兒楚兒、信兒,食飯共度二人世界。

朱茵祝賀時叫Ada再生多個,成為「多產」藝人,Ada即謂:「啋過你!呢啲『多產』我唔要,工作嗰啲『多產』我就要。」Ada表示:「同朱茵大家咁話,叫佢追多個先,而Stephy就快啲結婚啦!我就夠喇,冇手再抱,我老公要留番一隻手攬我,所以我『封肚』,生埋呢個夠晒數。」

Leave a Reply

Your email address will not be published. Required fields are marked *

%d bloggers like this: