「維港泳大使」姜皓文歎茶記

Browse By

姜皓文(黑仔)今年獲邀請擔任維港泳大使,並到茶餐廳拍了宣傳廣告。早前他特意穿上廣告裏面的泳衣,戴上泳鏡重回舊地嘆蛋撻與「茶走」,以一身「泳裝look」走在街上的黑仔非常出眾,但他無懼街上途人們的異樣目光,更搞笑說:「邊個話著泳衣唔可以食茶餐廳?」


黑仔始終一如以往「貼地」,總愛去茶餐廳偷閒吃下午茶。他說:「特別鍾意去啲有歷史嘅茶餐廳,通常會嗌常餐食,因為我鍾意食奄列同米粉。」途中他特別的泳裝造型依舊被不少街坊認出,面對合照都來者不拒。他說:「我平時會去大埔或鹿頸一帶做運動,見到我歡迎大家同我合照,只要你唔介意我有陣汗味。」貼心的黑仔為了鼓勵太太一起做運動,正為老婆挑選一對合適的跑鞋,難怪兩公婆除了保持恩愛之餘,更愈來愈fit啦。

對今次擔任維港泳大使,黑仔說:「其實我一直都好想做啲有關運動同慈善嘅活動,因為呢個社會依家變得好勢利現實,希望可以用我少少嘅影響力,用正能量去感染大家。」踏單車及跑步都是他的日常運動,今次再加上「游泳」,是想向「三項鐵人」的方向進發?黑仔笑說:「我嘅『三項鐵人』就係買餸、洗車同放狗,參加比賽?之後先講啦。」

Leave a Reply

Your email address will not be published. Required fields are marked *

%d bloggers like this: