古仔後梯箍頸唔留手 宣萱硬食

Browse By

古天樂與宣萱繼電視劇《尋秦記》後,相隔17年,於電影《犯罪現場》再度合作,鏡頭前後依然默契十足,但古仔卻竟然對宣萱痛下毒手,從後用風褸笠著宣萱的頭部,用力把她推向牆邊,結果戲外不慎弄傷她的頸部,幸好宣萱並無大礙,與古仔老友鬼鬼的她更笑說:「我唔會怪佢,Ok嘅!佢會萬歲㗎喇。」

古仔解釋這場戲是因為他的一個誤會,所以偷襲宣萱,他說:「開頭係諗住分開幾場戲做,但導演建議不如試下一次過做晒,咁可能我又肉緊得滯。」古仔憶起導演特意叫宣萱只是嘗試一下,如果辛苦就可以叫停,結果她忍著痛就完成整場戲,古仔就大讚宣萱專業,說:「我有同佢講你一唔得就嗌cut啦,咁佢真係好好嘅,成程都冇嗌cut,因為大力chok住條頸點都會痛,但係佢就好堅持忍住做落去,係幾驚喜嘅!」

相隔17年再合作,古仔一點溫柔也不懂

宣萱受傷後,觀看回放鏡頭時更不斷轉頸拉筋,需要在頸上敷上冰毛巾,驚魂未定的她哭笑不得地說:「其實拍之前我驚咗好耐,因為我太了解佢(古天樂)喇!好驚同佢拍打戲!」原本該場戲有為宣萱準備替身演員,但宣萱為求效果完美,親身上陣。她說:「導演同古仔建議我不如自己做埋啦,我都覺得咁樣(自己演)真係會靚啲嘅,成件事一個鏡直落可以smooth啲。」

埋身肉搏後,宣萱即用冰敷頸,舒緩頸痛

Leave a Reply

Your email address will not be published. Required fields are marked *

%d bloggers like this: