女乘客質疑的士行錯路 的哥聽對方「導航」發難︰我有分數

Browse By

近年的士司機服務質素屢受批評,有女網民近日在社交網站上傳一段影片,指乘搭的士時司機未有跟隨其指定路線,質疑對方行錯路之餘更口出惡言,一度企圖趕她下車。帖文引發網民討論,有人留言斥責司機態度惡劣,不過亦有人不認同女事主行為。

該名女網民在社交網站Facebook群組「香港的士違法關注組」發文,指自己一上車已經指定路線,期間司機疑不熟悉地方行錯路,她於是化身「人肉導航」指引對方,怎料司機仍然行錯,其後更發難鬧人。她又投訴該名司機一度企圖在馬路趕自己下車,質詢對方危險駕駛,「又話架車係佢嘅,點行都得!咁不如你全港一日遊之後先去目的地啦!(但係錢就係乘客畀)!使唔使咁惡鬧人呀?!」。

根據其上傳的影片可見,該名司機發惡質問:「你熟定我熟呀?」、「我日日都揸住架車,點會唔知邊條路打邊條路」,女乘客則回應:「我只係好禮貌地話畀你聽係可以咁行,我亦都冇鬧你」,司機隨即怒罵:「唔鍾意就落車!車喺我手上,我鍾意行邊條路嘅,我有分數」,女乘客無奈道:「你可以話畀我聽嘛,需唔需要咁鬧人呢?不過唔重要,兩條路都行到啫」。司機聞言隨即斥責:「唔重要咁嘈咩啫?收聲啦好無!」。

事件引起網民爭議,有人認為女乘客有禮貌,斥責司機是害群之馬,「樓主好斯文有禮」、「可以報警投訴佢(司機)」、「如果乘客唔可以指定路線,佢(司機)想兜你去宇宙都得」,不過亦有人認為女網民態度亦有問題,「其實條女都好寸嘴,唔重要咁佢又出聲,難怪司機咁火」

Leave a Reply

Your email address will not be published. Required fields are marked *

%d bloggers like this: