快餐店買雪糕打尖 港媽:我個仔肚餓唔通由得佢咩

Browse By

到快餐店點餐,一般都會等顯示屏顯示收據號碼才可以取餐。有港媽在快餐店買完雪糕等候期間,疑打尖「搶走」前面食客的雪糕,更稱「但我個仔好肚餓,唔通由得佢咩」,引起討論。

Facebook專頁「生仔要考牌系列」日前上載投稿,指一名網民在快餐店買軟雪糕,輪候號碼為139號,正當他準備取雪糕時被港媽打尖2「有個港媽帶住個6/7歲嘅細路一手搶咗店員手上嘅個軟雪糕!我呆一呆,再望望佢張單…157!心諗,唔係嘛,重有成20個先到你」。

事主指,當時店員問港媽的號碼是否為139,但港媽稱:「唔係,但我個仔好肚餓,唔通由得佢咩!嗱,最多我咪而家俾番佢(講緊我)。」事主無奈表示,見到該名小朋友的手指已經黏住開始溶化的雪糕,「好嘔心,你唔係要我食呢杯嘢落肚嘛。」

事主表示,唯有「禮讓」予小朋友食先,但港媽再講出聲,「點知佢(事主)咁大個人都要學細路仔食軟雪糕啫」,指港媽一句對不住或者不好意思都無講,「之後店員再俾過杯軟雪糕我,再對我苦笑咁講「唔好意思」。不少網民認為港媽教壞小朋友,「最大問題係港母由無家教再進化到縱到細路世界唯一同埋弱能咁」、「我寧願掉咗佢都唔俾,肚餓大晒架?」。

Leave a Reply

Your email address will not be published. Required fields are marked *

%d bloggers like this: