食客放題怕蝕底狂叫肉 店員怒轟:大嘥鬼好折墮

Browse By

不少人聚會會選擇食放題,貪款式多又任食,不過有火鍋放題餐廳的店員就發文,投訴不少食客是「大嘥鬼」,瘋狂落單怕蝕底,最終造成浪費,怒斥「折墮呀你哋」!

圖/Facebook群組「西客之道 Hispitality Secret」

該名店員日前向Facebook群組「西客之道 Hispitality Secret」投稿,指不少食客會瘋狂落單,曾遇到有一家六口甫坐下豪點20碟肉,其後每次加單都會一口氣點10碟。直至最後20分鐘時,該食客又加了8碟肉,當經理詢問食客:「係唔係真係食得晒㗎」,對方隨即回答:「係呀」。怎料當食客離開後,店員才發現他們將8碟肉都倒至火鍋裡,「8份肉係個煲到!嘥X晒!掉晒係個煲到當食咗呀!」。

他又分享另一次經歷,指有孕婦一口氣豪點10碟肉,當職員提醒:「係唔係真係食得晒㗎?」,對方亦不假思索地回應:「係呀!」。惟最終「起碼9份肉郁都冇郁過!嘥X晒!放係枱面當食咗呀!」。

該店員又指,遇到這種情況極度憤怒,「呢到只到冰山一角,我都未講拎幾斤菜呀、丸呀、麵呀、飯呀、煲到成煲盆菜咁!食幾多拎幾多真心咁難咩?」,又指「係唔係我哋冇罰你哋錢,冇出聲,你哋就覺得浪費食物就冇問題?係唔係無受過教育?」

帖文引起不少網民留言批評,「對付呢種客人,一定要同佢哋算到盡,要罰佢款,實在太浪費食物啦,又或者以後限量咁上肉」、「唔惜食嘅人下世真係會冇口福㗎」、「香港人有種拎唔到你著數,就等如自己蝕底咗嘅心態,呢樣心態絕對係世界第一!」。

Leave a Reply

Your email address will not be published. Required fields are marked *

%d bloggers like this: