存亡母相手機被盜 地盤工寫大字報望歸還

Browse By

有網民星期五下午於facebook上代為貼文,至星期三有地盤雜工,於將軍澳金門地盤食飯後,發現銀包同電話被盜,他其後寫大字報,望「賊仔」歸還,又指手機入面有他亡母的照片,「電話無咗,可以再買過,但係電話入面嘅資料無咗,就永永遠遠搵唔返」。

網民Lee Tsz On於星期五下午貼文,指將軍澳金門地盤入面,有一名地盤雜工銀包及電話被盜,他其後寫大字報指,「求你了,銀包啲錢俾晒你,證件唔該俾返我,證件我都可以唔要,但係唔該俾返手機我,手機入面啲嘢對我好重要,手機無咗就搵唔返,真係唔該你,銀包入面有張相,感謝」

地盤雜工寫大字報,望賊人歸還手機及銀包

地盤雜工寫大字報,望賊人歸還手機及銀包

去到星期四,「賊仔」歸還銀包,入面更有證件,可惜電話就沒有,於是地盤雜工再寫大字報,「好感謝你手下留情令我搵返銀包,希望入面啲現金同八達通可以幫助到你,感謝你留下所有證件令我免去不少麻煩,你未嘗不是一個好人,我都好窮,我係個雜工,我今年20歲,我未夠18歲就出嚟做地盤,我女朋友都係地盤雜工,資金有問題可以付出努力汗水解決,我哋一樣無錢,就自己努力去搵,大家可以,你都可以,錢無咗,可以搵返嚟,電話無咗,可以再買過,但係電話入面嘅資料無咗,就永遠都搵唔返,電話裏面的資料,對我嚟講好重要,資料無咗就永遠都搵唔返,我明白你缺錢嘅心情,我都問人借過錢,你缺錢我都可以借俾你,大家都可以幫你,唔緊要,但係電話的資料唔見咗你就會害得我好慘,電話用咗三年都唔捨得換,好舊,唔值錢嗄,你令我失去電話,就如一把刀刺進我的心,入面有好重要的資料,有我同家人的好多相片,有好多電話號碼,有我返學的資料,所有嘢都喺電話裏面,我阿媽過世了,唔好連幾張相唔留俾我留念,你可以(知)我的心有幾痛,電話對我嚟講好重要,你只係一時之間的貪念,請不要害我永生沒法釋懷,不要讓這成為沒法醒的夢,問題總要解決,大家都可以幫你,大家都會原諒你,電話請俾返我,求你了」

賊仔之後真的歸還銀包及證件,但存有亡母遺照的手機則沒有歸還

賊仔之後真的歸還銀包及證件,但存有亡母遺照的手機則沒有歸還

又指將不會追究責任

又指將不會追究責任

另一張則寫,「我知你係個好人,你唔係殺人放火,你只係一時之間搵唔到正確的方法去解決問題,你仲可以返轉頭,真心希望你可以幫幫我,搵辦法俾電話返嚟,回頭是岸,我等你,我們等你,上帝愛你,大家都愛你,等你」,並指拾獲者重酬一千,不追究責任。

上載相片的版主指,當時見到該地盤雜工跪地痛哭

上載相片的版主指,當時見到該地盤雜工跪地痛哭

有網民就留言指,「屋企人過咗身,剩低幾張相,如果無咗真係好慘」,並短短十小時就有二千多人轉貼,希望該地盤雜工找到電話。

 

2016-05-27_230828

網友Blanche Li望偷者有心


2016-05-27_230858

網友Lee Tsz On Bruce指家人過世,剩下幾張相好慘

Leave a Reply

Your email address will not be published. Required fields are marked *

%d bloggers like this: