要求護士帶女兒去大便遭拒 港媽:我對手無掂過呢啲嘢

Browse By

年紀小的子女如廁後,媽媽幫手清理是正常不過的事,但有港媽竟然要求診所護士帶女兒如廁,更指一向有工人姐姐幫手清理,自己不會幫手,「唔通我同佢去,我去抹佢PATPAT呀?」

有於任職診所的網民在Facebook專頁「診所低能奇觀」投稿,分享遇到一個極品港媽的經歷。她指一名港媽帶著女兒正等候看醫生,期間女兒想去洗手間,港媽竟然要求護士帶她女兒去洗手間,「媽媽向住我方向嗌:『帶我個女去廁所呀』」。投稿人就回應「你唔自己帶佢去?」,港媽竟然表示工人姐姐放假,自己不會幫女兒清理,「我唔會理呢啲嘢囉,我個工人今日放假呀」,投稿人心理暗想,「所以我係你個工人呀?我份人工呢?」港媽再次強調自己不會幫女兒清理,「咁即係點呀?你唔同佢去,唔通我同佢去,我去抹佢PATPAT呀?」

投稿人回應對方媽媽幫女兒清理是正常的事,但港媽竟反駁工人姐姐和陪月一向幫手「換片沖涼」,「我已經生咗佢出嚟,做咗我應該做嘅本份,佢出世到而家我都唔需要同佢換片沖涼,陪月又有工人又有,我對手冇掂過呢啲嘢,一次都冇」。港媽更呼喝投稿人要求她幫手,更揚言女兒的衣服比她一日工資都要高,「你仲坐喺度?仲唔出嚟?佢一陣喺度去咗嘅話,你買衫褲俾佢換呀?佢啲衫係咩牌子你知唔知呀?分分鐘貴過你一日人工呀」

投稿人堅持不帶小朋友去洗手間,但對方竟說會向診所老闆投訴。最後她更大聲向女兒說:「你唔准去呀!等工人返嚟先好去呀!」小朋友就指工人姐姐曾經教過她如何如廁,不過港媽竟然質疑姐姐只想少一點工作,更要女兒拒絕,「佢教你都係想自己做少啲啫!你應該要SAY NO呀!你對手唔係用嚟做呢啲嘢㗎」

投稿人對港媽的舉動感到無奈,質疑難道要一世請工人姐姐幫手清理,「咁係咪要請人一世幫手抆屎呀?咁你呢?你搵邊個幫你抆屎呀?你唔好話我知靚女唔屙屎啊~你唔係靚女啊。」

Leave a Reply

Your email address will not be published. Required fields are marked *

%d bloggers like this: