狂數奶奶囉嗦兼無腦 新抱反被網民斥欠耐性無家教

Browse By

婆媳糾紛對不少家庭而言是個難以解決的問題,有女網民日前在社交網站facebook投稿,力數同住的奶奶囉嗦麻煩,經常詢問「無腦」問題,令自己感到厭煩。不過帖文未有引起網民共嗚,反而紛紛留言斥責樓主無禮貌、無耐性、無家教。

《BB來了》劇照

該名女網民在社交網站facebook群組「同住奶奶好惡頂」投稿,指同住的奶奶「成日對我做啲令我反感事情…把口就好似無咗個關閉制一樣」,直斥對方囉嗦、長氣兼麻煩。她力數8個例子,指自己放假不用上班時,奶奶便會問「你今日休息呀?」、「你放到幾時返工呀?」、「點解咁多假嘅?」,樓主在帖文中不耐煩表示「咩叫點解?你自己問我老闆吧!」

樓主又指,有次與丈夫相約朋友外出食飯,當準備出門口時,奶奶隨即追問「你去邊度食呀?咁夜先出去嘅?」、「去食咩呀?」、「同邊個食呀?」,而樓主則直接不回答,關門離開,「你又無份去,去邊度?食乜嘢?同邊個食關你鬼事?」

除了投訴奶奶囉嗦外,樓主怒斥對方問的問題極為「無腦」,她舉例指有時放假未有外出,奶奶又會問「你今日無出街咩?」,樓主抱怨稱「我大個棟喺度咁就梗係無出啦,難道我留咗個魂魄,肉身出咗街咩」;平日去上班前,奶奶都會問「你帶咗呢樣未?帶咗嗰樣未?要逐樣答晒先出得門口」,「我唔知幾時會忍唔住回應佢:我咩都帶齊,係爭在未帶埋你!佢自己無腦就唔好當所有人都無腦,講緊我幾十歲人,死就一世唔死就大半世,咁簡單的唔需要你提,廢都好似問緊:你今朝係咪空肚食早餐?」

不過帖文未有得到網民認同,大部分人留言力撐奶奶,批評樓主無禮貌,「我見到個好無禮貌又無耐性嘅新抱」、「我覺得呢個奶奶唔錯喎,起碼佢嘅煩係關心身邊嘅人。個新抱真係好難頂」、「咁有本事咪自己搬出去住囉,自己買餸煮飯做清潔,唔使要奶奶幫任何事,自己乜都一手一腳自己事自己理」。

Leave a Reply

Your email address will not be published. Required fields are marked *

%d bloggers like this: