大聲播卡通擾人反鬧食客「個個無仔生」 港媽調位遇惡漢爆粗即較細音量

Browse By

人人食飯都想有個寧靜空間,小朋友未懂事不要緊,但父母如何教育是何其重要。一名網民日前發文分享一段午餐時遇到一名無理媽媽,帶著孩子在餐廳大聲播放影片。網民請求她將音量收細竟被斥:「我播片關你咩事?我係鍾意咁大聲呀。」其後被阿叔大聲指鬧嚇怕才把音量收細。

網上圖片

有網民日前在facebook「生仔要考牌系列」發文指,某日午餐期間,有位女士帶著1歲左右的BB坐在旁大聲地播放卡通片,樓主指聲音大聲的程度是附近5張桌子的食客都能聽到,侍應經過都皺眉,更有人立即帶上耳筒。而樓主選擇請她將音量收細,誰知她愈來愈大聲。

樓主平心靜氣向她說:「你湊住小朋友,呢度大家食飯,可唔可以有返啲公德心,真係太大聲。」她回應說:「你做咩話我小朋友啫?有阻到你嗎?」樓主則指並沒有指罵小朋友,只希望能把音量收細。該女士隨即大聲說:「侍應,我唔要坐呢度,啲人都痴線㗎,我播片關你咩事?我係鍾意咁大聲呀。」該女士看到很多人看著她更斥:「你哋呀,個個都無仔生㗎,小朋友要睇就要睇㗎啦,你班人望咩望,我係要較咁大聲呀,侍應我要轉位坐。」

其後侍應給她安排更換位置,她仍繼續大聲播片。誰知坐她旁的一位阿叔大聲鬧:「X婆,你咁X大聲仲乜X呀?你撞聾定搏小呀?」。該女士感到害怕,立刻把影片音量收細。

事件引來網民熱論,有網民留言指該女士生仔前絕對需要考牌:「欺善怕惡」、「現在啲阿媽阿爸興少少不滿就話人冇仔生唔明白?」、「 自己唔識教仔就播片」,更有網民對阿叔反擊成功大讚,留言指:「有請大叔再出招」、「今次真係:誰大誰惡誰正確」、「潑婦原來都怕爛佬」。

Leave a Reply

Your email address will not be published. Required fields are marked *

%d bloggers like this: