的哥熱心助婆婆獲讚 網民:好態度未必有回報 但態度差一定無好報

Browse By

香港的士行業的服務參差,司機乘客不時會爆發衝突成為網上話題,不過近日就有司機在上傳一段車Cam片段,分享和氣接載客人的經歷,鼓勵同業以禮待客。

這段令人窩心的車cam片段被上傳到Facebook群組「的士司機資訊網 Taxi」,據司機表示當日自己在東涌的士站排隊候客,期間一名婆婆上車稱要到區內一個私人屋苑。片段中可以聽到,婆婆上車後司機一路溫言款語,不時提醒對方「慢慢嚟」、「我閂門啦」。一輪穩定的車程後,司機為了方便婆婆行動特意駛到行人路邊,更得到婆婆稱讚「你咁好心嘅,轉埋彎畀我行。」因為停車時剛好跳錶變26.5元,司機便著對方只需付25元,不過對方反而讓司機收下80元的車資,似乎是要答謝對方,「有時對個客好啲,人哋坐車坐得開心,意外驚喜就係咁樣嚟。而我就係真心嘅,尤其是對老人家同行動不便嘅客,排站上到短途客就西口西面,又chok又fing又比說話人聽嘅師兄,自己睇睇,自己諗諗啦。」有網民看後大讚,「好態度未必次次有回報,但唔好態度一定唔會有好報!如果全部司機都好似你咁樣,唔會有人搭uber!

Leave a Reply

Your email address will not be published. Required fields are marked *

%d bloggers like this: