網民買錯尺寸霸氣鋸床褥成熱話 IKEA公關靚抽:唔gur唔使鋸

Browse By

有連登仔發帖指,朋友過年前買錯床褥尺寸,只好用磨機將床褥尾部分鋸走,掀起熱議。跨國居家用品零售企業「宜家家居」也隨即在其facebook專頁發帖抽水,稱「就算唔Gur(意指不滿),都唔使鋸」,並指「歡迎您嚟換過第二張」。結果帖文獲網民激讚,「抽水抽得勁快喎」、「關公之王」、「 位公關要加人工啦」。

連登仔「非常時期」日前在連登討論區發帖,指其朋友買新床褥買大了,但因為未能退貨,索性用磨機將床褥尾部鋸開。床褥鋸開後可放在床架上,但尾部則露出床褥內的彈簧及軟墊等。有網民對鋸開床褥做法感莫名其妙,亦有人擔心床褥的承托力會受影響,而且很快爛。

帖文在社交網上瘋傳,「IKEA宜家家居」facebook專頁小編昨晚也發帖抽水,上載一張用鋸鋸床褥的圖片,提醒顧客「冷靜啲,放低把鋸先」,並強調「我哋都知道床褥嘅嘢,一唔啱心水係會幾躁嘅」,故此公司所售出的床褥提供100日試用服務,以讓顧客有足夠時間試真張床,「當你真係唔滿意的話,歡迎您嚟換過第二張,務求令您可以搵到一張最完美嘅床褥為止」。

宜家的帖文獲網民激讚,留言指「抽得咁快,太平洋乾喇」、「靚抽」、「Marketing team轉數又高又快」,有網民亦希望「如果送貨都係咁就好了」,另有人笑指「下下第99日換第二張,咪日久常新」。

Leave a Reply

Your email address will not be published. Required fields are marked *

%d bloggers like this: