阿媽為食鮮魚將浴缸「養魚」 連登仔呻:最高峰一次過買9條

Browse By

不少家庭主婦都追求新鮮的食材,不過近日有網民在連登討論區訴苦,指其母親為了吃最生猛鮮魚,竟將浴缸當魚缸,一次過養9條生魚,「隨時想食就即劏即煮」,並指今次已非首次,認為影響家人日常生活,「起身諗住沖個涼先番工,見到個浴缸咁,真係X出聲」。帖文掀起熱議,有網民指「行落街市一日買一條咪仲新鮮」,又有人笑言「香港真係多奇人異事」。

事主在討論區發帖,以「家母浴缸當魚缸 養咗七條魚」為題,形容其母親喜歡吃魚程度已達病態,「為咗食到最生猛嘅海鮮,佢唔係選擇去大家樂打邊爐,而係將浴缸當魚缸,隨時想食就即劏即煮,真係唔慌唔『新鮮』」。事主續說,其他家人想沖涼都要先進行大工程,「起身諗住沖個涼先番工,見到個浴缸咁,真係X出聲」,而且今次已並非係第一次用浴缸養魚,「計埋都養過幾十條,最高峰一次買咗9條,真係頂唔順,唯有擺上嚟發洩下」。

帖文引來大批網民留言,有網民笑言「同埋啲魚一齊沖涼,好似去咗水族館咁」,但有網民懷疑,「咁樣養法都好快死」,建議「行落街市一日買一條咪仲新鮮」;另有人擔心「啲魚帶菌散落你浴缸到,就算清咗都有,你浸浴會入你身體,叫佢唔好玩」,樓主則回覆指「就算清晒啲魚,我企入去之前都用熱水加滴露清潔一輪」,並慨嘆「依家啲納米樓劏房就話廁所太細,如廁沖涼要焗住同一個地方,但係依家有個浴缸都要咁」。

Leave a Reply

Your email address will not be published. Required fields are marked *

%d bloggers like this: