女兒抗癌未果驚悉父親患癌 事主崩潰獲過千人祝福送暖

Browse By

一名網民其12歲女兒去年確診患上淋巴癌,至今尚未痊愈,康復機會只有4成。而偏偏近日網民驚悉自己父親確診肺癌,將要入院治療,網民精神大受打擊。隨即有過千網民在Facebook祝福送暖,為事主打氣度過難關。

事主‎ 在Facebook群組「Tai Po 大埔」發文指,「以為自己已經置身係谷底,原來未算最低,仲可以再跌低啲 」。 事主‎指去年1月,當其11歲女兒持續發幾次燒,感到很不舒服,連頸都腫起來,當晚就帶她去大埔那打素醫院急症室求醫,「起初醫生話佢有肺積水,然後照埋CT話佢有淋巴癌,當日就送咗去沙田威爾斯癌症中心」。 事主‎稱,「當時聽到個心已經非常難過,但後嚟知道醫返好嘅機會有7成,感覺仲有希望。中途佢做咗6次化療…但腫瘤依舊係度,跟住再加4次化療,6次免疫治療,17次電療」。不過到了今年個腫瘤仍然存在,「我哋依家已經入咗骨髓房隔離,接受自體幹細胞移植,5年存活率係4成」。

不過不幸接踵而來,「當我仲係度擔心緊個女嘅時候,尋晚接到我老豆患上肺癌嘅消息,即將又會轉介嚟威爾斯,我個心好難過,點解個女未病完又要到老豆病,成個人都精神崩潰了。」事主‎坦言「我無任何信仰,但都好希望大家可以祝福我哋一家,過到呢兩關」。 Facebook一眾網民得知悲劇後,紛紛送上祝福,有人就安慰「祝福!加油你要撐住呀 雨過後總會有彩虹」、「照顧者壓力大到好難想像,相信你們一家已經盡了最大努力,一家人最重要齊心,一條心去面對逆境,無論結果點樣都好,都笑住面對,加油呀,祝福你們」。

Leave a Reply

Your email address will not be published. Required fields are marked *

%d bloggers like this: