公屋戶呻住客生曬雞翼吊到下層 網民詫異:咩玩法

Browse By

不少人會趁天氣凍自家生曬臘味,但未必人人都能接受。粉嶺華明邨有住戶在facebook抱怨,樓上單位住客已經常曬臘味,今日更「生曬雞翼」,而且「仲滴緊油」,怒斥「究竟知唔知會影響到樓下架」,但無奈向管理處投訴後終不了了之。不少網民都對生曬雞翼感驚訝,「曬臘味我理解,但曬雞翼係咩玩法」,建議樓主「剪返幾隻嚟煎啦」。

有網民在facebook群組「Fanling 粉嶺」發帖,稱「華明邨禮明樓某單位超級鍾意曬臘味!今次仲天然生曬雞翼!佢究竟知唔知,會影響到樓下架啦!投訴無門!!!」帖文附有的照片所見,樓上單位在窗外吊起一串雞翼。

帖文掀起熱議,有網民直言第一次見曬雞翼,「雞翼都有得曬」、「曬雞翼咩玩法,第一次見」;另有人建議「拎支火槍幫佢燒熟佢」,又提議用鉸剪剪走雞翼,但樓主留言回覆「我都想呀, 但係高得滯, 依家仲滴緊油」,並指已經向管理處投訴,但稱涉事住客不在家便不了了之。有網民認為樓主要盡快聯絡有關部門處理,「條繩唔實就跌落街,一陣有人被雞翼扑中個頭咁點算呀?」

Leave a Reply

Your email address will not be published. Required fields are marked *

%d bloggers like this: