10學生快餐店霸枱打機 激動用普通話爆粗大聲擾客

Browse By

手機遊戲愈來愈普及,成為不少學生餘暇時的愛好。不過近日卻有網民在社交網絡分享片段,指在快餐店有逾10個學生霸位打機,期間粗口橫飛又以高聲叫罵,為其他食客造成滋擾。

涉事片段被上傳到Facebook群組「Tai Po大埔」,據上傳者表示周三(16日)中午時分,有逾10個身穿中學校服的男學生集結於大埔區內一間快餐店。男學生分別霸佔了店內兩枱,各自用手機打機,上傳者形容這班學生至少霸佔了快餐店7成的座位,「食完野坐陣玩一陣傾下偈唔係問題…重點係佢哋枱竟然係放緊 『早餐』。我嗰時1點半左右,即係佢哋至少霸咗喺到兩個鐘。佢哋仲要喺到大聲叫囂、粗口橫飛…咩人都唔肯讓,你有你等佢有佢打,成間網吧咁。」由片中所見,學生打機時情緒激動,不斷以普通話高聲叫罵「我X你媽」、「我X」。上傳者直指「睇唔過眼」,故將影片公開希望涉事學校能嚴加管教學生。

不少網民看後都大感憤怒,推斷涉事學校應該正值考試期,故學生早放學後到快餐店打機消磨時間,「邊間中學咁勁抽?」、「成班都普通話」、「 唔使再讀書,打成日機」、「 以前讀中學,出面是但一個講句粗口(都)俾人投訴既話全校都有事,而家可能冇左依支歌仔。」

Leave a Reply

Your email address will not be published. Required fields are marked *

%d bloggers like this: