為紙皮婆婆送咖啡熱食 「佢食得開心滿足」網民善舉獲讚

Browse By

天氣寒冷人情溫度未減!近日有網民在社交網站上分享,指日前街上遇到一名執紙皮的婆婆,眼見婆婆只得薄餅乾吃,故為她買了個快餐果腹不少網民看後都大讚「人間有愛」。

事緣昨日(5日)事主在Facebook群組「Tai Po大埔」發帖分享,指幾日前在快餐店門口碰見一位紙皮婆婆,眼見對方行動不便,故就稍稍停留觀察她是否需要協助。一會過後,只見婆婆取出一包薄切餅乾解餓,「得個幾片薄切切餅乾,心諗邊食得飽架?」於是事主上前詢問婆婆是否需要幫忙,又問道她是否肚餓,表示可以為她買點食物。婆婆聞後婉拒事主幫忙搬紙皮上車,不過就直言想喝咖啡。事主聽後馬上到附近的快餐店買來一個套餐,「最後,我揀左老人家岩食無炸嘅雞飽、粟米杯同香濃咖啡。問咗婆婆佢可唔可以飲甜野,幫佢落一包糖,婆婆食得開心滿足」。事主又擔心婆婆錢不夠用,「我問左婆婆有無錢使,婆婆話有生果金,我問婆婆夠唔夠使,婆婆無答。我想俾啲啲錢婆婆用,但我唔敢,唔知俾錢嘅舉動會否令婆婆個心難受。」事主事後發帖指力薄不能幫得太多,「對我們來說普普通通嘅一杯咖啡對婆婆來說卻係奢侈品,心很酸」。

不少網民看後都盛讚網民的善舉,「要開口去問婆婆有咩需要都唔容易,呢份心意同行為真係好有愛!」、「尊重同孝順老人家既人。心地一定唔會差」、「希望多啲人以你為榜樣,多啲關心別人,特別是關心長者,唔好再叫老人家做廢老」。

Leave a Reply

Your email address will not be published. Required fields are marked *

%d bloggers like this: