街頭同朋友呻與男友嗌交 獲賣花暖男贈花鼓勵「唔好唔開心啦」

Browse By

聖誕佳節「街裡愛人一對對」,若這時候與愛侶吵架確實讓人感到份外感傷!日前一位女網民在社交網站上分享經歷,指25日聖誕當日與男友大吵一場,陷入哀傷與好友聊天訴苦,未料失意的對話令她收穫一份暖意。

女事主27日在Facebook群組「巴打絲打Facebook club」分享,指因為聖誕佳節與男友吵架,臨時約了朋友吃飯訴苦。兩人飯後邊走邊聊,「好唔開心,跟住同個朋友食完飯一路行一路講起俾人hurt完唔再信人,相裡面嗰兩個賣花嘅男仔咁啱聽到,就同我講『送支花比你 唔好唔開心啦。』」事主聞後轉身呆一呆,其中一名男子續上前指,「我講真㗎,你揀顏色啦,我送一支比你,你想要一扎我都可以包起俾你嘅。」最終事主接受了男子的好意,取過了一支藍色的花又向對方道謝。事後她形容覺得感受到暖意,「雖然我嗰時無咩反應, 但其實真係好感動好暖,因為呢個聖誕我真係好唔開心,但呢支花真係好暖 。」最後事主又再度向兩個男生道謝。

不少網民都大讚賣花男子是暖男,「 世界仲有好人嘅,cheer up」、「係愛呀哈利」、「最緊要開心」。另外都有不少網民錯重點「抽水」,「妳的樣子如何,妳的待遇也必如何」、「人靚大把人氹」、「早知我都去派花啦」、「 唔怪得個衰佬返嚟條花數唔啱啦!原來係你!

Leave a Reply

Your email address will not be published. Required fields are marked *

%d bloggers like this: