印傭哭求放無薪假尋海嘯失聯家人 僱主:而家又唔係死咗只係失蹤

Browse By

印尼巽他海峽於本月22日發生海嘯,罹難人數升至373人,另外至少1459人受傷、128人失蹤。災難導致不少人痛失家園,親戚朋友流離失散,惟近日本港卻有僱主在討論區發帖控訴,指家中印傭哭求放無薪假回鄉尋找失聯親人,「而家又唔係死咗只係失踪(蹤),想偷懶就搵藉口理由,平時已經夠懶」,一席話被網民炮轟冷酷無情。

事緣該名僱主昨日(24日)在討論區發帖,稱家中印傭指親人在海嘯後失去聯絡,要求放無薪假回鄉找人。惟僱主認為要求過於突然,印傭並無事先一個月前通知,再加上自己與丈夫身處外地旅遊家中寵物無人照料,「我已經好人答應話我1月返黎香港會畀佢放,佢仲係咁打長途畀我,哭泣住煩住我而家要立即畀佢放,你屋企人有機會離開關我什麼事!你親人真係走咗到時搞白事自然畀你放啦,而家又唔係死咗只係失踪(蹤),想偷懶就搵藉口理由,平時已經夠懶。」結果帖文一出後被網民炮轟涼薄兼冷血,指「天災無人估到,將心比己如果你有親人失蹤,你又會一個月前通知你老細?」、「海嘯都無一個月通知印尼姐姐啦」、「口賤心黑,你平時對姐姐都唔方好得去邊!」亦都有網民質疑帖文真偽,該名僱主後刪除原有文章,又揚言自己會貼錢租寵物酒店。

Leave a Reply

Your email address will not be published. Required fields are marked *

%d bloggers like this: