4港男日本Cafe免費飲水唔幫襯 網民狂轟影衰香港

Browse By

有4名港男在日本咖啡店齋坐玩手機超過半小時,但未有在內消費被公審,惹來網民留言大鬧貪小便宜,又指這類行為是禮義廉恥問題。

圖片來源/連登討論區

有網民在討論區以「窮就唔好學人去日本旅行,免得影衰香港人」為題發文,指在日本旅遊期間見到幾個港男衝入日本一間咖啡店斟水,還齋坐半個小時玩手機,沒有光顧該咖啡店。

發文者指自己當時與朋友到一間主題咖啡店食飯,突然聽到有4名操廣東話的男子說:「喂,呢到有水斟喎,唔使錢㗎,入去囉」,發文者正疑惑,以為是日本人貼心設有飲水處「乜有飲水處免費招待途人咁好?日本人真係very good!」

圖片來源/連登討論區

發文者又指,「班友浩浩蕩蕩咁行入去,佢哋霸咗一排位坐」,之後就「個個都去自助飲水機攞杯裝水」。他指當時有店員眼望望,約大半個鐘後他們才離開,在內未有任何消費。「佢哋飲夠玩夠之後,就施施然咁走人,乜都無幫襯,只有攪攪陣。」最後發文者問,「高尚的香港人們,請問覺得呢件事有無咩問題呀?」,又指「講真去旅行就住就住真係咪去」。

網民紛紛留言,指該4名男子不是窮,而是貪小便宜,有人就話「唔係有唔有錢既問題,係禮義廉恥問題。」不過有網民就留意到發文者上載的大疊日本鈔票照片,質疑發文者只想晒命,「前面睇完都想正評你,後面睇埋」、「你都係想曬(晒)命姐」。

Leave a Reply

Your email address will not be published. Required fields are marked *

%d bloggers like this: