超筍自助餐優惠

Browse By

講到Gathering,Jetso King最鍾意食Buffet,大家吾使遷就口味,一個價錢任食,真係So Good!今次Jetso King推介三間又抵又好食,仲有特別優惠嘅Buffet!

牛扒專門店 生日免費

幫襯牛扒專門店Mr.Steak旗下嘅Mr.Steak Buffet à la minute,必食佐賀和牛壽喜燒,入口即融,少有Buffet有咁高質和牛食。另外必食即燒和牛壽司,一片片澳洲和牛刺身放喺日本珍珠米上,師傅再燒香和牛表面,真係好味!最近佢哋宣布特別為11月壽星推出超值自助餐優惠,喺11月30日前6人或以上同行品嘗晚間自助餐(成人$418起/位,小童$278起/位),11月生日之星免費,同行朋友仲有88折優惠,最啱請朋友嚟食生日飯!

Mr.Steak出名食牛,今次嘅佐賀和牛壽喜燒一啲都唔失禮,同去日本餐廳一樣咁高質。

呢個Buffet其中一樣吸引之處,食客可以請店員喺即焗心太軟寫上自己嘅心意,送贈親朋好友。

Mr.Steak Buffet à la minute

地址 : 銅鑼灣告士打道280號世貿中心6樓

查詢: 2881 5757

懷舊創意主題 預訂7折

如果食物好味,仲有埋主題性就更加特別喇!港島太平洋酒店「中西‧環」餐廳推出「棋」趣大笪地海鮮自助晚餐(成人$428起,小童$298起),重現昔日上環大笪地的風貌!其實就係懷舊菜,好似薑葱炒龍蝦鉗、椒鹽瀨尿蝦、即製海鮮戲棚粥、臘味荷葉糯米飯等地道海鮮佳餚!最特別有懷舊遊戲棋造型甜品,包括飛行棋馬卡龍、波子棋造型士多啤梨慕絲蛋糕、中國象棋造型白朱古力慕絲蛋糕。酒店地下設有電動車充電站,顧客只需惠顧滿$300,即可享兩小時免費泊車優惠及電動車充電服務。上網訂座仲有7折,折埋吾使$400位,真係好抵呀!

以海綿蛋糕做底層,白朱古力慕絲鋪面,加上手工精美象棋棋盤同白朱古力漿倒模而成的棋子,小朋友一定勁鍾意!

用薑葱爆炒過嘅波士頓龍蝦鉗,惹味又厚肉,好食到停唔到口!

網上預訂: http://bit.ly/CSK-DaiTatDei-TC

「中西‧環」餐廳

地址:西營盤干諾道西 152 號港島太平洋酒店1樓

查詢:2131 5908

東南亞風味 指定信用卡6折

東南亞菜不嬲深受香港人歡愛,雅廊咖啡室推出「味遊東南亞」龍蝦自助晚餐(成人$588起,小孩$368起),新加坡肉骨茶、新加坡胡椒炒蟹、馬來西亞喇沙、馬拉盞時菜炒蝦仁、巴東牛等等,全部都有得食!熱盤以外,甜品都有大量東南亞美食!好似滋味泰式西米糕、口感層次豐富嘅斑蘭椰汁糕、細膩軟糯嘅南瓜椰汁糕!凡以指定信用卡惠顧自助晚餐,仲可以低至六折優惠(優惠受條款及細則約束,詳情請致電餐廳經理查詢),而壽星喺生日月份惠顧,仲可以有免費自助晚餐同免費生日蛋糕一個,同行之顧客亦有八折優惠(優惠適用於4-12位同時惠顧,每4位同行,當中只限1位壽星及每枱最多3位壽星)。

提起馬來西亞最經典美食點少得喇沙,椰香味美!

東南亞清爽特飲 $38

想感受多啲東南亞風情,可以叫杯清爽特飲,包括椰汁冰、越南咖啡及「泰清新」水果梳打飲品等。

 

雅廊咖啡室

地址:尖沙嘴麼地道71號富豪九龍酒店地庫一樓

查詢:2313 8718

 

About Jetso King

「頭條Jetso」App網羅「全宇宙」著數優惠及最新消費著數情報;激賞豐富禮品及獨家超筍優惠,易玩易中,送獎贏獎好EASY!

Leave a Reply

Your email address will not be published. Required fields are marked *

%d bloggers like this: