勸學童勿挨櫥窗玻璃被公審 畫室公開CCTV片

Browse By

無理公審時有發生。有家長疑不滿畫室老闆叫女兒不要挨櫥窗玻璃,雙方因而掀起罵戰。家長事後在facebook群組炮轟該老闆,稱其女兒當時只在欣賞畫室放在櫥窗的畫作,但遭老闆責罵,強調「無拍過佢玻璃」,斥對方為人師表卻無禮貌。畫室老闆最終公開閉路電視影片以正視聽,網民都表示聽到拍打玻璃聲響,老闆初時語氣亦非無禮。雖然家長刪帖了事,但仍被轟無理取鬧、「惡人先告狀」、「乜都公審」。

有網民昨在fb群組「Fanling 粉嶺」發帖,指女兒等上補習課期間,在補習社對面的畫室欣賞櫥窗的畫作,但老闆「一開門就鬧我個女嘈住佢上堂,我敢講我女係文靜講嘢細聲,無拍過佢玻璃,佢一開門就鬧我女嘈住佢上堂,火都嚟」,並指自己生病都要跟他理論,批評對方為人師表卻沒有禮貌,「我有小朋友都唔會畀佢教囉」,又叫大家「認住呢間黑店」。
當時不少網民都撐家長,留言指「挨玻璃有咩問題,爛咗啦?」,又認為畫室如果生意好,老闆不會這般反應。不過,亦有網民稱「睇嘢睇晒兩面,切勿跟車太貼」。家長亦留言指對方並非「好言相勸」,又指不介意老闆公開CCTV片段。畫室老闆後來在其fb專頁上載事發CCTV片段,稱「只好將事實影片原原本本,一刀不剪,給大家公論」。片中所見,傳來「嘭」一聲後,一名男子走到畫室門外,稱「妹妹唔好挨玻璃唔該,會嘭嘭聲架挨玻璃會」。一名女子即反駁:「無嘭嘭聲囉」,並叫對方不要經常責罵補習社的學生。男子則反問,「唔該佢啫,咁都叫鬧?」,並稱其畫室被家長學生阻礙通道,搞到「連做生意都要閂門」,又斥對方野蠻。有商場管理員上前調停,但雙方仍因阻塞通道問題掀起罵戰。

畫室老闆在帖文指,自己當時在店內,根本看不到櫥窗外有人,但「為甚麼我會開門請求那位小朋友不要依傍櫥窗玻璃?」,並慨嘆「以為將店家放上網,便可以將黑說成白,混淆視聽,但在這已經不公義的社會,大家是否仍然容許這種事,不斷地發生?」

片段其後被上傳至fb群組「Fanling 粉嶺」,再掀起熱議,網民都幾乎一面倒斥片中家長,家長最終刪除原帖,但已被網民截圖。有網民批評家長,「無理之餘仲要講大話」、「淨係見到有潑婦罵街,拍片放上網取暖失敗,然後del post(刪帖)」、「既然咁有道理又會del post」。另有網民認為老闆「講野係大聲啲,但大聲又唔代表無道理喎」,又指他已經很有禮貌,「個老闆好聲好氣勸個妹妹,真係唔覺佢有乜問題,我只係覺個女人搵嚟嘈。本來小事一件,而家搞到要放上網公審,香港人好得閒」,亦有網民認為家長說聲不好意思,便可解決事件。

Leave a Reply

Your email address will not be published. Required fields are marked *

%d bloggers like this: