港人旅客住bnb深夜洗衫致噪音 居日港人狠批

Browse By

Airbnb近年大行其道。不少旅客為了可以節省旅費又順便可以體驗當地人的生活,外遊期間會租住民宿。而房東又會因為家裏有多餘的空間,同時想賺點外快,選擇對外出租房間予遊客。故此網站Airbnb就成為不少旅客和房東交易的平台。

星期日晚上,「在日香港人」在其facebook撰文分享了她的經歷。事緣她的鄰居把單位改建成Airbnb,該單位經常有不同的旅客出沒,但一直相安無事,直至前晚…

Screen Shot 2016-05-23 at 3.55.00 PM

在日香港人facebook截圖1

他晚上習慣開窗睡覺,突然聽到一把操廣東話的女聲說道:「咦點地呢度嘅複架係咁嘅?」他後來得知隔壁來了兩位香港的旅客入住,他們更在凌晨2點半時份晾衫,意味着他們在半夜洗衣服。半夜洗衣服對日本人而言,是死罪。因為日本房屋的牆是比較薄,洗衣機運作時很容易會騷擾到樓下甚至隔離屋的鄰居。因此日本人都會很自重,盡量不會在晚上洗衣服。

Screen Shot 2016-05-23 at 3.56.35 PM

在日香港人facebook截圖2

後後他向房東、管理處投訴指隔璧的單位違例將屋改成bnb的用途,希望解決噪音的問題。

Screen Shot 2016-05-23 at 3.56.44 PM

在日香港人facebook截圖3

他奉勸遊日港人如果租住bnb最好不要在晚上進行有噪音的活動,因為日本人的上班真的非常辛苦,希望大家能夠給予別人一個寧靜的晚上。如果對此感到為難,最好還是租住酒店好了。

Screen Shot 2016-05-23 at 4.12.41 PM

airbnb截圖

上airbnb的網頁上瀏覽,可以看見日本在很多人會把空餘的房間改作bnb用途出租。價錢由低於港幣一百元至過千元不等,視乎地點、房間大小、配套設施等。

Screen Shot 2016-05-23 at 4.13.27 PM

房屋守則

不少bnb都會在簡介部分列明《房屋守則》供住客參考。隨便抽取其中一份守則,內容都有對噪音作出限制。「We are located at the residence area. Must have to be quiet at night. Unfortunately we can’t have a huge drinking party at night and not the place for party animal. Great for people who want to have a rest from your long journey and chill out with this special atmosphere.」(我們的住宿位於住宅區,晚上必須保持寧靜。故此我們不能舉辦大型的派對,亦非派對動物的首選。對於奔走一整天的旅客來說,這個特別的環境是非常適合用作休息之用。

「We can not accept guest who are with baby, because of sounds problem. This wooden Japanese house is really old then easy to get noise and sounds into other rooms. We would like to respect all guests comfort. Please understand it.」(鑒於噪音問題,我們恕不招待與嬰兒同行的旅客。因為這是一間古舊的木建築,噪音很容易傳到別的房間,影響其他旅客。敬請見諒。)

日本作為一個很有紀律性的民族,他們的文化和公德水平普遍都比其他地方高。香港人又喜歡到日本旅遊,必須知道當地人的文化,入鄉隨族。務求自己玩得開心之餘,亦儘量不要帶麻煩給別人,更不要香港人的架。

「在日香港人」又開post講述一些遊日的潛規則,其實大多都是Common Sense。大家去日本前建議先看看。

1)請將音量收細
夜深將音量(包括傾計、電視、手機遊戲、啪啪啪、腳步聲、行李聲等)收細,應該唔洗解釋啦下話?無論你住Airbnb定酒店,日本因爲地震防災關係, 牆壁好少係石屎,多數係木材亦較薄,隔音差到你唔信。加上日本住宅區好靜,如果你開窗的話,隨時唔止隔離左右單位,隔離左右Apartment都聽到你講 野。
而日本電車巴士車廂、商店、餐廳等地方,如果其他人都比較安靜,麻煩都自動自覺收細音量比較好。好多時候對於香港人普通的説話音量,係日本已經係好大 聲,何況係成班朋友去旅行興奮起上黎大生講大聲笑呢。仲有就係Whatsapp語音訊息,可免則免啦。小弟自問同大部分日本社畜一樣,返工放工果程電車就 算無的坐低補眠,都想耳根清靜(然後企係度都訓得著)

2)切勿係唔係都影
我都好明白短裙學生妹、Kawaii小正太小蘿莉、和服美人、壽司師傅個個都好吸引,不過係日本,好多人其實對於被偷拍好反感。如果對方係小孩或女 性,對方直頭可以大叫「警察叔叔就是這個人!」。日本手機同相機之所以無得熄影相快門聲,正正就係防止偷拍。就算大家並非有心影人,都可以注意返影相的時 候鏡頭有無令人覺得你影緊對方,從而令人反感。
另外,商店内就最好唔好影相喇。如果真係想影,向店員做個影相手勢,問一句「Photo OK?」,得到許可就你影得安心,店員又放心。請注意,香港人好喜愛蒲的Game Center,夾公仔機係唔比拍攝架。

3)唔好以為無人識聽廣東話
去到一個異語言地方,好自然講野都會放d。小弟係日本講粗口仲多過係香港。不過,其實香港作爲個人去日本次數最多的城市,加上大量去日本留學、工作、居住的香港人廣東人澳門人,又點會無人識聼廣東話呢(仲要係旅遊區添)
小弟見過無數次香港人大大聲批評店家商品食物、評論路人樣貌衣著,甚至係餐廳大談昨晚性事。小弟每次被廣東話評頭品足時,都真心好有大叫我其實聼得明的衝動。
其實就算日本人聼唔明廣東話,從熱情目光、豐富表情動作,都略知一二你講緊咩啦。

4)請到指定地方吸煙
日本同香港唔同,好多地區係禁止火車頭的。如果想吸煙,就要去到指定地方。。
一,指定吸煙地點,基本上你見到一大班人企定定集會式煲煙就係
二,餐廳的吸煙席
三,吸煙室,多數係大街上一個鋪位/商場機場内一間房,毒氣室式吸煙

5)如有大型行李請盡量避免通勤電車
日本通勤電車有幾恐怖,香港人係好難想像得到。不過就算幾逼幾恐怖,每個社畜心入面只係懷住絕望心情只希望準時返工。如果呢個時候遇上大型行李,先唔講閣下伯母會受到幾多關懷,小弟都相信你要逼得入車廂係同參加奧運難度有得揮。

6)行路請留意路面情況
小弟每次返香港,最唔習慣就係香港人行路習慣。急煞、U-Turn、切綫、一字排開、瘋狂撞袋…同朋友訴苦,朋友都係叫我自己小心、用個又硬又唔怕撞的手袋同對方撞過。當然呢個係香港人習慣,我返到香港只好好好保護自己,唔能夠大聲嗌唔好。
不過日本人其實有自己一套行路方法。基本上同安全駕駛一樣。行走方向好分明,大家只需要觀察大家行走方向,融入其中就可以。如果需要轉彎、掉頭,最好 事前慢慢減速並慢慢往想去的方向移動,唔好突然轉方向,好容易撞倒人。日本人手袋並唔Prefer用作格鬥,盡量就注意唔好撞倒人/袋,如果真係撞到人 /被撞到,都應該帶愧疚表情點頭講聲すみません(Sumimasen)。一字排開慢駛會阻住地球轉就唔洗解釋啦?

喜歡日本的朋友不妨去like「在日香港人」的facebook專頁吧。

在日香港人facebook:https://www.facebook.com/%E5%9C%A8%E6%97%A5%E9%A6%99%E6%B8%AF%E4%BA%BA-209702902717886/timeline

Leave a Reply

Your email address will not be published. Required fields are marked *

%d bloggers like this: