投訴無蔬果味糖果 家長無理大鬧夾糖店「我個仔點吸收營養?」

Browse By

大部分小朋友都喜歡吃糖果,不過家長為了健康著想,都會避免孩子過量攝取糖份。有糖果店的老闆近日向社交網站Facebook投稿,投訴曾遇到怪獸家長投訴店內沒有出售蔬果味糖果,對方更斥責「我個仔點可以吸收到營養啊?你知唔知佢會食壞肚架!」。帖文引發熱論,有網民更留言「食糖仲要講營養?咁不如唔好食啦」。

該名糖果店老闆近日向facebook專頁「西客之道」投稿,指日前遇到一名港媽甫進入店鋪即大呼「叫你老細出嚟」,又指「上次我個仔幫襯你哋,夾咗袋糖,但全部都係糖,綠色嗰啲又無蔬果味,我個仔點可以吸收到營養啊?你知唔知佢會食壞肚架!」。樓主無奈解釋,綠色糖果有多種口味,但主要成份是糖果而非蔬果,又建議「不如試下畀多啲菜同生果小朋友食?」。惟港媽聞言突然發難,拍枱怒斥「你咩態度啊?我點湊仔唔使你教,你叫你老細畀個交代嚟!」。

樓主見狀只好致電另一名同事,對方得悉事件後,以粗口大罵該名港媽,「喂你老x呀!你估我好得閒啊,你個仔唔食菜關我X事,仲要係度寸寸拱玩寸我個場?你點做人老母啊你,寧願畀糖自己個仔食都唔買菜,知唔知個醜字點寫啊?」對方說罷更乾淨利落地收線,絲毫不留面子。

港媽繼續怒斥「cut我線?你老細係咪開門做生意啊?咁都唔識應對」,惟樓主一句「我老細係就係開門做生意,但明顯係唔做你生意囉」打敗對方,港媽最終在眾人的目光下離開。

帖文引發不少網民討論,有人留言稱「食糖仲要講營養?咁不如唔好食啦!另外,真心覺得個老細罵得好!」、「蔬菜味糖就真係用蔬菜做嘅咩…豬豬」、「真係好痴線!想食菜就買菜啦!買乜X嘢糖呀!」、「去夾糖店想夾菜呀」。

Leave a Reply

Your email address will not be published. Required fields are marked *

%d bloggers like this: