大媽拒付行李費 的哥平和解釋遭反斥態度差

Browse By

「大件行李」搭的士,均須收取6元附加費。近日網上瘋傳女乘客與的士司機爭執的影片,片中大媽乘搭的士後拒付6元行李費,強調自己搭的士多年從未被收取行李費,又斥責司機態度惡劣,最終驚動警員協調,並協助搬運行李。影片引發網民關注,不少人一面倒批評大媽無禮貌,反讚的哥一直平心靜氣和解釋。

有網民在社交網站「巴打絲打 Facebook Club」Facebook專頁上傳兩段影片,根據影片可見,事發在上月22日晚上8時許,該名大媽由機場登車,抵達目的地後準備繳付320元車資,惟司機提醒仍有橋費及行李費未計算,大媽回說「行李係應該要收架喎」,司機則稱「係應該要收錢」。大媽反問「應該要收架咩?你打錶係幾錢就係幾錢架喎!」、「都無架,每次都無(收行李費)架!」、「我每次坐都未試過要畀!」。

司機則著大媽查看車門的收費表,又指附近有警員在現場,「如果我收得唔公正,你去叫佢截住我抄我牌」。此時大媽突然發難「你唔好咁惡,你嘅態度」,司機聞言高呼「你唔好話我態度,嗱錄住架!我同你講道理」,惟大媽仍然繼續斥責司機態度惡劣,司機隨後向附近警員求助。

警員了解事件後,耐心向大媽解釋行李箱放置車尾箱需要收費,大媽其後又改為投訴司機態度惡劣,「佢態度同口氣係好差嘅!佢收行李費,你同我好好講,(畀錢)無所謂,我每年都係咁坐(的士),都未試過行李費單獨另外要收錢。」、「你話要收,我會畀,啱唔啱先?但佢態度好差,咁我梗係會勞氣啦」。

兩人爭執一輪後,大媽最終繳付365.5元車資,惟準備下車之際,她又不滿司機未有協助搬行李下車,怒斥「你收咗我行李費,而家你唔同我落,有無咁嘅道理先,阿sir你自己講啦」。警員聞言上前勸說但被司機以腰痛為由拒絕,為息事寧人,警員最終親自協助大媽搬運行李。

影片引發大批網民熱論,不少人留言怒斥大媽無沒禮貌,形容她為潑婦,「有錢大曬咩,都冇禮貌又唔尊重別人,屈得就屈」、「彩有車cam,唔係真係畀佢老屈」、「一講話要收錢就屈人態度惡劣,而家做服務業真慘」,亦有人大讚司機一直平心靜氣向對方解釋「一講收錢就話人惡,一講搵警察就話人態度唔好,佢心中既定義就係咁」,另外亦有人大讚警員處理得好,「呀Sir一個字,型」。

Leave a Reply

Your email address will not be published. Required fields are marked *

%d bloggers like this: