陳柏宇內地開騷 符曉薇出院爆大鑊

Browse By

話說剛做爸爸的陳柏宇(Jason)因為太興奮,連日來追住初生女兒係咁影,日影夜影多角度多表情,情況失控到有點「痴漢」feel,難怪老婆符曉薇(Leanne)都忍唔住在社交平台呻:「呢個男人真係好恐怖,佢自己影個女就算啦,仲要逼我幫佢同個女合照!」

陳柏宇太太符曉薇抱女出院前,以長文分享生B當日情況,笑中有淚

初為人父的Jason日日黏住個女影相

 

Jason在產房內發生的趣事,絕對夠料爆

今日B女出院返家,可惜Jason要在內地開騷,Leanne只好獨自抱女出院,出院返家前,Leanne再在社交平台出長文細訴生B當日苦況,點苦法?大家不妨聽下,Leanne爆料指25日晨早起床發現穿羊水向老公呼救,點知Jason扮睡覺不理,出門去醫院叫幫手拿走佬袋,Jason居然神回:「人哋拍戲嗰啲唔係咁」拍戲?到姑娘證實真係穿羊水要急Call醫生來接生,Jason竟然話:「乜同拍戲咁大分別嘅,乜穿羊水咁平淡」…睇到呢度已見笑?未完,入手術室陪產,換上藍色手術室衫的Jason仲突然爆肚:「你好,我係今日嘅醫生」,見到麻醉科醫生還繼續厚面皮說:「原來你係醫生我以為我自己係醫生」,醫生和護士都笑她的老公好搞笑,瞓在手術枱上的Leanne卻謂:「我問返佢哋搞事定搞笑?」。

BB出世一刻,Leanne謂:「聽到佢喊果(嗰)下真係滴咗幾滴眼淚,之後望佢條粉蛋(Jason),佢已經喊到豬頭咁;醫生仲問佢剪唔剪臍帶啊?佢即刻say no!」,最後以「原來生小朋友都唔可怕,最可怕係個老公日日夜夜對住你個女係咁影係咁影」作結(全文請睇截圖),即係咁,陳太以這種欺笑怒罵方式講述生仔過程,又真係好好笑,回憶總是美,祝寶貝健康快樂成長!

Leave a Reply

Your email address will not be published. Required fields are marked *

%d bloggers like this: