世紀合照慘被P圖 張新悅大呻:我覺得好慘

Browse By

Ball后薛芷倫早前在社交平台貼出與張新悅及袁詠儀(靚靚)的合照,並留言:「世紀合照,世紀大和解」,事緣21年前二人因合作電影《戇星先生》傳不和,當年有傳張新悅不滿被靚靚批評不專業兼批踭;然而合照一出引起網民熱論,既重提當年恩怨,又笑張相過份「精緻」。

張新悅笑言仲後生,P圖留20年後才需要

張新悅今日出席活動時表示與靚靚合作第一部電影後便再沒見面,直至早前出席活動才重遇,大家都有傾湊仔經,她說:「不明點解要講恩怨,拍戲時有好多事發生,我都生了4個,很多事都已經忘記。靚靚是一個好爽的人,我們都是以母親身份傾湊仔經,冇講其他事。(和靚靚交換電話?)冇,不用交換了,現在的social media很方便,不會刻意去找。(薛芷倫想拉攏你們和解?)從來冇需要拉,冇需要做任何事,大家興之所致自拍而已,其實大會影了很多相,但她就選了這張,我覺得好慘,P圖P到我好膠,其實我皮膚好靚,現在未需要P圖,過多20年先啦。」

薛芷倫出手拉攏拍下這張世紀合照並上載社交平台,卻換來「P圖P得好假」的評論,唔知有咩想法(來源:ballqueen ig)

靚靚與張新悅的「恩怨」始於1997年拍攝電影《戇星先生》時,因推撞事件而鬧不和(來源:電影截圖)

Leave a Reply

Your email address will not be published. Required fields are marked *

%d bloggers like this: