新片票房破億 鄭伊健除衫贈興

Browse By

由曾志偉監製,錢嘉樂執導的新片《黃金兄弟》上映兩日,中港兩地票房收逾過億,難怪整個團隊都爆腎,連日來馬拉松式謝票活動上,男主角鄭伊健都表現興奮,前晚聽到有男觀眾說:「我係嚟睇你哋5個,你哋當然有號召力,但套戲唔係我想像中咁樣,係比我想像中更好。以港產片嘅動作片嚟講係好高水準,呢個係錢嘉樂功勞,而你哋5個嘅感情位都好好,呢部戲好好睇。」聽到呢度,伊健忍唔住連聲道謝,更即場脫下身上的「黃金兄弟」風褸送贈對方,因是心血來潮之舉動,脫下風褸僅穿白色背心的伊健露出結實胸膛和麒麟手臂,令全場尖叫心心眼。

伊健即場除衫露出結實手臂,令全場尖叫聲四起

連日來馬拉松式謝票活動,伊健都表現興奮

伊健又透露操到爆肌全因拍攝《黃金兄弟》時受傷,他說:「拍戲就係咁,越難嘅動作就冇事,我嗰次受傷做嘅動作其實好簡單,但竟然斷咗一條韌帶咁傷,我覺得自己唔夠弗,我要練得更強壯!」

連場謝票,觀眾都大讚飛車和槍戰戲好刺激,特別是72歲倉田保昭與華人拳王周比利對打戲好精彩。對於不少觀眾問有沒有續集,監製曾志偉表示會考慮,伊健說:「有觀眾話依家呢個結局如有續集太勉強,前傳或外傳更適合。」導演錢嘉樂亦贊成,對於票房大賣,林曉峰說:「好開心,以前整個電影系列無喺內地正式上映,無票房紀錄,今次總算還我哋一張戲票!」稍後,他們5兄弟會繼續內地、馬來西亞等各地宣傳。

Leave a Reply

Your email address will not be published. Required fields are marked *

%d bloggers like this: