疑似內地男港鐵站內抽煙 「謝曬皮」舉報事件:竟冇一個人開口話佢

Browse By

早前有網民拍到有遊客在港鐵站內抽煙,引來不少人批評,又對港鐵職員只以口頭警告解決問題表達不滿。未料今日(14日)又爆出類似事件,本地插畫家謝曬皮下午在社交網站發文指,在東鐵線九龍塘站目擊一名疑似內地男子在站內吸煙,「平時上網見到有人喺地鐵食煙仲以為係改圖,今次比我兜口兜面見到終於信。」

於是她挺身而出向職員通報,惟職員當時向吸煙男子口頭警告就了事,「我捉住個職員問: 『就咁就得架啦?』 佢話係呀佢冇權捉住乘客,我話佢食煙係違反港鐵附例wor 你有權捉佢架,講咗陣我發覺呢個職員好驚同埋完全唔想handle 呢件事,但果個食煙男已經越走越遠」。謝曬皮遂到月台尋求另外一名職員幫助,由於怕涉事男子在人海中消失,大叫「橙色衫嗰個」意圖令男子停下,沒想到意外有便衣警員表露身份並提供援助,抓住吸煙男子。

後來多個港鐵職員介入事件,不過港鐵職員卻只想口頭警告解決事件,「但係我唔比佢走,我覺得唔可以接受,因為我嘅人身安全受到威脅」。雖然謝曬皮不能接受港鐵的做法,但最後職員都只登記完男子的身份證及給一張警告信就將對方放走。不少網民都大感憤怒,指「呢啲情況一定要檢控,如果唔係佢會繼續故態復萌」、「其實真正問題出在煙民如此地多,控煙辦有機多人呢?」、「坦白講,香港人某程度上係唔抵幫! 遇到事,只識唔出聲」。

Leave a Reply

Your email address will not be published. Required fields are marked *

%d bloggers like this: