因港姐問答環節捱批 麥明詩FB自抽:陳曉華贏到港姐冠軍就最公平喇

Browse By

2018香港小姐競選日前落幕,由陳曉華、鄧卓殷和丁子田分別奪得冠亞季頭三。今年沒有曾志偉擔任港姐大會司儀,改由鄭裕玲率領新一代司儀陣容陸永、C君、麥美恩、麥明詩、馮盈盈等人上陣,其中最備受觀眾熱烈討論的一幕,莫過於10A港姐麥明詩(Louisa)主持的問答環節。當晚Louisa問11號佳麗李明芙「覺得邊位佳麗贏咗最唔公平?」,結果李明芙啞口無言,鄭裕玲(Do姐)馬上出言救場「咁你都選到喇,你仲想點啫,咁你都係香港小姐嚟㗎嘛!」事件受到網民熱議,有人批評Louisa問題太刁鑽,Louisa早前就在個人專頁承認有不足,「自己主持經驗尚淺,問問題時演繹不夠好,反應不夠快,氣氛拿捏不準;很感謝dodo姐的導航與拯救。」

昨日(28日)Louisa又再於Facebook出文「自抽」,「17號佳麗陳曉華選到香港小姐冠軍就最唔公平喇,已經咁靚、咁高、腿咁長、仲要係一個有愛心嘅護士,已經擁有咁多嘢再加多個港姐冠軍實在是太不公平了!不過17號佳麗陳曉華憑著出眾的外貌、淡定的對答、空中瑜伽所展現的努力和力量,贏到港姐冠軍就最公平喇!」未料一番言論又再度引來部份網民不滿,留言批評「被Do姐寸完唔服氣,呢鋪你自抽,抽水抽得好乸核突!」、「妳咁醜都選到咪仲唔公平」。不過亦都有支持者留言撐場,「同你一樣, 十優狀元、 咁靚、咁叻、笑容咁燦爛、仲要係一個有口齒伶俐的主持,已經擁有咁多嘢再加多個港姐冠軍實在是太不公平了!」、「大方得體」。

 

 

 

 

Leave a Reply

Your email address will not be published. Required fields are marked *

%d bloggers like this: