搭通宵小巴僅得一位乘客 司機大叫「差一個齊人開車」嚇親網民

Browse By

農曆7月禁忌多,不少長輩會提醒後輩切勿夜歸,以免招惹「麻煩」。有網民就在社交網站發帖,指自己凌晨時坐通宵小巴時,發現全車只有他一位乘客,惟司機突然大叫「差一個齊人開車」,嚇到樓主想落車離開。帖文引來網民關注,不少網民故意嚇樓主,稱「你前面個位咪有個長髮女人囉」。「巴打絲打 Facebook Club」fb圖片。

該網民凌晨在社交網站facebook群組「巴打絲打 Facebook Club」發文,指搭乘一輛由灣仔前往荃灣的通宵紅色小巴,全車只有他一個乘客,惟上車不足5分鐘,司機突然大叫「差一個齊人開車」,惟在車上等了10分鐘,亦沒有任何人上車,於是向網民求救「我應唔應該落車搭下架」。

帖文引發網民關注,不少人留言嚇樓主,稱「你前面個位咪有個長髮女人囉」、「點解我咩都見唔到?司機係邊?」、「唔係呀,架車咁多人,得你前面果個位空咋喎」、「有個爛面阿伯望住樓主」,亦有人留言稱「咩呀…呢個時候通宵巴通常唔係比人搭架喎」、「有乜咁岀奇,7月14嘛!我昨晚遇到的差不多!我係站頭上車,全架車都冇人,但我上車時司機話冇位喇,等下架啦,就閂門開車」,另有網民就質疑帖文的真偽,留言稱「連我都覺得你好假」。

Leave a Reply

Your email address will not be published. Required fields are marked *

%d bloggers like this: