疑內地乞丐黨中環站行乞 港男上前鬧爆獲網民大讚

Browse By

內地「專業乞丐」近年殺入本港!有網民在社交網站上傳影片,指一名疑似內地乞丐在港鐵中環站行乞,被一名男子上前斥責驅趕。事件引發大批網民討論,有人留言大讚該名男子「好波」,不過亦有人留言稱感到同情。

該網民在多個facebook群組上傳影片,指昨日下午1時許,一名行動不便、疑似內地乞丐黨的男子在中環站走廊行乞,期間一名男子上前斥責,並將乞丐驅趕離開。根據影片可見,一名上半身赤裸的男乞丐倚在牆邊,身旁放有一個行乞用的鐵罐,狀甚可憐。另一名身穿白衣的男子站立在旁,大聲斥責「你快啲走呀你」、「香港唔可以喺公眾地方行乞」、「你返上大陸啦,唔好嚟香港啦」,又向旁人稱「你話香港點可以畀呢啲人入到境呀,我都唔明」。而該名乞丐則慢慢穿起義肢及上衣,扶牆而起,收拾細軟離開。

影片引發網民爭議,有人大讚該名港男做得好,形容是真男人;亦有人同情乞丐,批評港男是「打落水狗」,但有網民反駁稱「佢哋生存都唔容易係真,之但係點解唔喺大陸乞,要落嚟香港揾食呢?而且咁識揀,唔使晒又有冷氣,都算醒喎」。

Leave a Reply

Your email address will not be published. Required fields are marked *

%d bloggers like this: