疑似公務員外賣買32杯飲品 等逾一個鐘後稱「要收工」拒接收

Browse By

網傳元朗有飲品店接獲政府合署一個32杯飲品的「柯打」,由於飲品數量多,該店用近一小時製作飲品,並於下午4時48分坐的士送貨,中途打電話予該顧客時,對方指「要收工啦,冇人飲唔要啦。」引起網民討論。疑似公務員「柯打」32杯飲品 等個半鐘後稱「要收工」拒接外賣。麥錦鈿‎圖片

該飲品店在Facebook專頁「盡在元朗」上載圖文,指該店接獲政府合署八樓一名男子的外賣訂單,訂購32杯飲品,「我接到同事電話已經三點九,32杯飲品,其中15杯要用Blender打,以最快速度4點7、8我已經出發去截的士,16:48的士在中途打俾佢,佢話要收工啦,無人飲唔要啦。」其後該圖文已被刪除,但已被其他網民截圖。疑似公務員「柯打」32杯飲品 等個半鐘後稱「要收工」拒接外賣。麥錦鈿‎圖片

網民對此反應兩極,不少網民認為飲品店送貨太遲,「個客係唔會知你幾多人做嘢…應該同客講要成粒鐘喎…等唔等…同埋個客亦唔會知你公司內部運作,唔要好正常」、「接唔起咁大單生意就一開始同人講。」疑似公務員「柯打」32杯飲品 等個半鐘後稱「要收工」拒接外賣。麥錦鈿‎圖片

亦有網民認為顧客應體諒製作需時,「32杯嘢,未計鋪頭其他嘢要做,仲有人手,要咁多時間有乜咁出奇」、「叫30幾杯預咗要等,人地冇可能因為你一單,之前人地買咗嘅客就唔使做,你仲要加送外賣,等個幾鐘有幾出奇,真係當自己大晒,買得多嘢飲就要做咗你果單先咩」。

Leave a Reply

Your email address will not be published. Required fields are marked *

%d bloggers like this: