留港放電 酒店暑假住宿優惠

Browse By

體驗露營樂

香港沙田凱悅酒店即日(7月20日)至8月31日推出「夏日家庭度假營」(每晚$1,410起),住客可以喺戶外花園體驗露營樂,享用新鮮炮製野餐美食。「夏日家庭度假營」每房都包一項凱悦悦趣營兒童活動,共八款選擇,包括由酒店廚師教炮製簡易美食嘅小小廚師、喺Melo Spa水療中心做兒童手部美甲、環保小園丁等等!另加$400,可以一家大細喺園林草地野餐。夏令營包括營幕、地墊、野餐盒內有果汁、水、三文治、水果沙律、小食及玩具。

小小廚師活動由酒店廚師教授,培養小朋友烹飪興趣。

想野餐又怕麻煩?呢個夏令營包晒一系列用具,可以輕輕鬆鬆野餐。

沙田凱悅酒店

地址:沙田澤祥街18號

查詢:3723 1234

悠閒品嘗美食

想同小朋友歎美食?香港屯門貝爾特酒店推出「繽紛盛夏家庭樂悠悠」住宿優惠,每兩位大人帶同一名12歲以下小童入住酒店,可以$1,188(只限星期日至四)或$1,388(星期五及六)入住1晚貝爾特標準客房(12歲以下小童可享免收加牀費)及享用精選四道菜晚市套餐或周末半自助早午餐(只限星期六及日)。半自助早午餐供應多款美食,包括紐西蘭青口、熟蝦、風乾火腿配蜜瓜、燒春雞配番茄莎莎等。退房時間更特別延至下午2時。

燒豬柳配蘋果蓉
豬柳燒得嫩滑,配上香甜蘋果蓉,讓人回味無窮。

虎蝦冬蔭功湯米
異國風情十足嘅冬蔭功湯米,加上啖啖肉虎蝦,好食到停唔到口!

 

香港屯門貝爾特酒店

地址:屯門震寰路6號

查詢:3112 1996

「Duck」意好玩假期

好多小朋友鍾意B.Duck,今個夏天B.Duck嚟到香港黃金海岸酒店!香港黃金海岸酒店推出「B.Duck臨海假期夏日住宿計畫」(每晚$1,688起),小朋友可以參與多項B.Duck戶外水上遊戲,包括滑水梯及考驗身手嘅水上滾筒,仲可以親手製作B.Duck護照套!小住客會收到獨家設計B.Duck輕便旅行袋禮物。逢星期五及日入住,可參與特別安排的晚上遊戲時間;星期六入住,就可以歎晚間電影欣賞及爆谷套餐。連續入住兩晚,小朋友仲可以化身小小甜餅師,製作可愛B.Duck蛋糕。一家大小喺入住期間享有沙嗲軒$200折扣,品嚐正宗新加坡風味美食。

除咗可以玩盡水上活動,小朋友可以學整B.Duck蛋糕!

只須額外加每晚$500,可以入住B.Duck主題客房連海景露台,有好有氣氛。

香港黃金海岸酒店

地址:屯門黃金海岸青山公路1號

查詢:2452 8833

About Jetso King

「頭條Jetso」App網羅「全宇宙」著數優惠及最新消費著數情報;激賞豐富禮品及獨家超筍優惠,易玩易中,送獎贏獎好EASY!

Leave a Reply

Your email address will not be published. Required fields are marked *

%d bloggers like this: