送孫返學雨傘被擅取 婆婆哭訴「把遮小朋友好鍾意」網民心疼

Browse By

資料圖片

本港今日局部地區有暴雨,大埔錄得3小時錄得超過100毫米雨量,更有商場和公路出現水浸的情況。大雨滂沱沒有雨傘相當不便,有網民在就在社交群組分享,指今早(5日)有一位婆婆送孫到幼稚園上學後,發現放在校門雨傘架內的卡通雨傘被取去,「婆婆出去返入黎喊晒口,眼紅紅忍住就猛話唔見左把遮:『把遮係小朋友好鍾意,專登係萬寧儲印花換嘅,今日重要第一次用』」令到不少網民都感到心疼,在網上轉發帖文呼籲取走雨傘的人完璧歸趙。

目擊事件的網民Cat在Facebook群組「Tai Po 大埔」發文,指見到一位男子將雨傘取走,「今早帶小朋友返學,突然雷雨,好多人走避到大廈樓底,去到學校放底把遮係門口遮架,就見到把黃色好搶眼濕晒嘅Minions單眼仔直遮,特別顯眼,所以係學校避雨就望多2眼,之後就見到企係門口個裇衫大男人開左把遮走」。Cat初時以為雨傘為男子所有,故不以為意,後來婆婆哭喊才知道真相。Cat原打算借出雨傘予婆婆,但有學校職員得知事件後,亦立即借出自己的雨傘,着婆婆稍後再歸還。

不過有見婆婆哭得傷心,Cat亦在帖文中呼籲取走雨傘的男子歸還,「唔該嗰位先生,婆婆個樣好悽涼,急用都用左啦,鍾意可以買返把,做個負責任,有公德嘅男人(爸爸),唔好咁無陰功。請你盡快還返去幼稚園,怕尷尬就放返係遮架,有誠意就入去講聲啦。」不少網民看後都為婆婆感到心疼,建議看閉路電視尋人。更有好心的網民表示,若果婆婆未能尋回雨傘,願意送出同款雨傘,「我都有呢把係萬寧換嘅傘,只是用過2次,好新,如果佢地唔嫌棄的話。希望兩婆孫唔好唔開心。

Leave a Reply

Your email address will not be published. Required fields are marked *

%d bloggers like this: