打尖衝入𨋢撳警鐘阻工人搬貨 野蠻婦:唔畀我上去先你就唔使旨意上貨

Browse By

工人搬貨上上落落,而且不少大廈為免貨件會刮花升降機,都會嚴例規定搬運公司只能使用貨梯上貨。不過近日就有網民在社交網絡上分享一段影片,指搬運工人工作期間有一名婦人闖入滿載貨物的升降機,聲言「唔畀我上去先你就唔使旨意上貨」,引起工人不滿。

片段被上傳到Facebook群組「巴打絲打facebook club」,據上傳者表示事發一班工人正用升降機運貨上樓,孰料突然殺出一名婦人走入升降機,「話要畀佢上去先 之後班運輸就同佢理論叫佢守秩序排隊等等,個女人就話你唔畀我上去先你就唔使旨意上貨。其實隔離(籬)都有架𨋢,唔知點解個女人係都要搭呢部?」上傳者又補充,「初時以為個女人趕住返屋企睇電視 但見佢同班運輸擾讓多時 隔離㗎𨋢已經上落咗好幾次」。從片段中所見,工人和婦人爭持不下,婦人以腳擋門又不時按響警鐘,工人從旁斥責婦人「Hold住個𨋢,又唔俾人上貨,又要遮住個樣,真係肉酸呀啲人!」

不少網看後都直指婦人野蠻,「 唔講仲以為佢係運輸btw 運輸哥哥太好聲氣」「果(嗰)種寧為玉碎 不為瓦全 既敵對行為 近年真係幾普遍 放鬆d啦,香港人」 、「人地送貨 唔洗玩咁大吧,送完就走啦,都唔洗10分鐘。咁攪一攪 大家都唔好,一係叫佢買起棟樓啦」。

Leave a Reply

Your email address will not be published. Required fields are marked *

%d bloggers like this: