母親節商場着數攻略

Browse By

母親節有咩好節目?梗係帶媽咪去商場Shop餐飽啦,事關各大商場均推出不同應節活動和着數,買到心頭好之餘,荷包又慳唔少,分分鐘有獎攞添,母親大人實Like爆啦!

iSQUARE 購物換潤手護理套裝

iSQUARE國際廣場於5月12日(六)及13日(日)推出「母親節溫馨獻禮」換領活動,凡於上述日期在商場最多兩家不同商戶,以電子貨幣(信用卡/易辦事/八達通)同日累積消費達$1,800或以上,就有機會獲得「per FACE潤手護理禮品套裝」換領券一張,於商場per FACE(LBK01號鋪)出示換領券,換領「per FACE潤手護理禮品套裝」一份(價值$220)!每日名額40份,先到先得,換完即止。

查詢:www.isquare.hk

荃新天地平買小米家電

荃新天地聯同小米由即日至5月13日(日)舉行智能家居展,場內各式小米產品任睇任試外,更特設小米期間限定店,不少精選產品以優惠價發售。憑Citywalk Card積分更可換領小米手環2,讓媽咪時刻自己了解心跳及步數;又或者換領米家體脂計,精準了解身體數據,輕鬆打造健康體魄!此外,該商場亦同時舉行「小米旗艦手機大抽獎」,有機會贏取最新型號智能手機一部!

查詢:www.citywalk.com.hk

 

始創中心藝術鞋履創意展

始創中心找來本地鞋履設計師Pandora Cheng聯乘希臘鞋履設計師Sofia Koutsouveli,展出逾八十對創意無限及甜品造型的手工訂製鞋履,藉此向各位母親致敬,表揚母愛的偉大。場內更特備「母親節瑰麗禮遇」,Fun享卡會員憑指定發票及積分或顧客消費滿指定金額,即可換領/換購母親節貼心禮品(Sweet Boutique de Tony Wong玫瑰酥或0.35L象印不銹鋼真空保溫壺)乙份。每日數量有限,換完即止。

查詢:www.pioneer-centre.com.hk

又一城歡天雪地溜冰送優惠券

有冇諗過母親節同媽咪一齊溜冰?「又一城歡天雪地」特別為偉大的母親帶來「母親節冰上窩心禮遇」,於5月12日(六)及13日(日),每位入場人士均可免費獲贈思樂寶(Snapple)蜜桃茶一支;而凡帶同小朋友到又一城歡天雪地溜冰的母親均可獲贈ACCA KAPPA、Amaroni’s、Dan Ryan’s Chicago Grill、MAKE UP FOR EVER、Petite House、The North Face及Venchi等商戶優惠券各一張,實行與媽咪共享美食與消費優惠,歡度佳節!

查詢:2844 3588

置富Malls換領限量版雨傘

置富Malls今個母親節以「置富Malls x Happiplayground有愛家FUN」為主題,於5月12日(六)下午二時母親節前夕,在旗下的天水圍置富嘉湖邀請了《愛‧回家之開心速遞》藝員馬貫東及蘇韻姿到場大玩遊戲;並於5月12日(六)起,凡於置富Malls旗下指定商場(置富嘉湖、置富第一城、置富都會、馬鞍山廣場、都會駅、麗港城商場、麗城薈、華都大道、映灣薈、銀禧薈、荃薈)內任何兩家商店累積消費滿$800,包括$600或以上的電子貨幣,即可換領「Happiplayground限量版雨傘」一把,作為母親節禮物,感謝母親大人為子女遮風擋雨!禮品數量有限,換完即止。(註:不同優惠着數有不同條款及規定,以商場最新公布為準。)

About Jetso King

「頭條Jetso」App網羅「全宇宙」著數優惠及最新消費著數情報;激賞豐富禮品及獨家超筍優惠,易玩易中,送獎贏獎好EASY!

Leave a Reply

Your email address will not be published. Required fields are marked *

%d bloggers like this: