極短車程小朋友俾100蚊車錢 的哥讚豪氣網民熱議

Browse By

「畀100蚊你,車我上新田圍巴士站!」一名在沙田秦石上車的男童,豪氣地對的士司機說。該司機在網上分享事件,直言難以置信,指咪錶收費僅24元,詎料收到「鉅額」貼士,笑言「又係我一個Record high(頂峰)咯」!

資料圖片

該的士司機在facebook群組「的士司機資訊網 Taxi」發帖,分享自己曾收得最多錢的「雞腳路程(即短程)」。他憶述,曾有一名年約10歲的男童在秦石的士站上車,「揸住$100元紙,好豪咁問我︰畀一百蚊你,車我上新田圍巴士站」!

的士司機聽罷大感驚訝,反問「吓,一百蚊?你一個人咋,你老母呢?」男童回應稱︰「得我一個,係一百蚊!」司機直言「有啲唔相信耳朵」,但最後仍應男童要求,載他至新田圍,並「收咗一嚿水」。

網上地圖資料顯示,由秦石往新田圍巴士總站車程僅兩分鐘,車程650米,故此的士咪錶仍是24元。的士司機強調,自己並非不依照咪錶收費,這些都是男童付的貼士。

有的士同業大讚男童好客,但亦有網民認為「個小朋友24蚊錶比100免找有咩問題,大把人咁做啦」、「在大圍火車站等客,有90%係唔跳錶客,我又覺得問題不大」。另有網民稱「輸在道德位」、「學的士大佬嗰句 ,唔跟咪錶收錢犯法架」。

Leave a Reply

Your email address will not be published. Required fields are marked *

%d bloggers like this: