死神都有IG? 原來有段故

有冇諗過死神都有IG？佢又會POST咩嘢？原來，死神真係有IG！呢個叫做「iamtheswimreaper」嘅用戶擁有近10萬名粉絲，佢仲自我介紹話：「只喜歡生活，這個夏天正要得到一些收穫，如果你想在水裡做些蠢事的話，我會等你。YEAH！」

原來死神係新西蘭「Water Safety」組織用嚟宣傳水上安全嘅黑色幽默廣告，希望防止15至30歲呢個年齡群之間嘅男性成為下一個水上致命事故遇難者。因為喺新西蘭，平均每年有105人死於溺水，驚人嘅數據都令到政府決定好好宣導水上安全。

「Water Safety」嘅CEO話，一般人聽到警告時都唔會理，所以希望用創新嘅方式，令人明白到一個錯誤決定可以帶嚟嚴重嘅後果，希望大家更著重水上安全。

以下係死神IG嘅部分圖片。

死神好鍾意請人飲酒，當然係想提醒大家唔好飲酒落水喇！

死神氧氣樽換成有氣酒，其實佢係想叫大家檢查潛水套裝先好潛水呀！

如果用浮板係河度當玩激流，你就可以死快啲囉

當然喇，死神都會肚餓，仲話啲嘢好難食！

死神賣牛仔褲當泳褲，因為可以令人沉落水返唔到上岸

無論喺邊度玩，最緊要都係生命安全，去海邊嘅時候記得搵有救生員嘅區域，飲咗酒之後唔好周圍喺海邊玩呀，唔係死神真係有機會搵你上門架！

Tagged with: iamtheswimreaper, IG, Instagram, 新西蘭, 死神, 水上安全, 黑色幽默

Browse By